अहमदपूर : प्रतिनिधी
शिवसेना उद्धव बाळासाहेब ठाकरे पक्षाच्या वतीने पक्षप्रमुख ठाकरे यांच्या आदेशानुसार विरोधी पक्षनेते तथा आमदार अंबादास दानवे यांच्या मार्गदर्शनाखाली जिल्हा संपर्कप्रमुख परमेश्वर सातपुते यांच्या सूचनेनुसार शिवसेना जिल्हाप्रमुख बालाजी रेड्डी यांच्या नेतृत्वाखाली येथील तहसील कार्यालयासमोर मुख्यमंत्री देवेंद्र फडणवीस यांनी शेतक-यांच्या जखमेवर मीठ चोळण्याचा प्रकार करीत ट्रिगरच्या नावाखाली अध्यादेश काढून थट्टा केली आहे. याचा जाहीर निषेध करण्यासाठी शासनाच्या अध्यादेशाची होळी करण्यात आली.
महाराष्ट्रातील स्वाभिमानी शेतकरी हा पाऊस योग्यवेळी न झाल्यामुळे चिंताग्रस्त व अडचणीत सापडला असताना शासनाने शेतक-यांच्या मदतीसाठी आल्याचे नाटक करत ट्रिगरच्या नावाखाली अध्यादेश काढून शेतक-यांच्या पिकांचे पंचनामे, जिपिएस फोटो काढण्याचे आदेश देत आहे. राज्यातील अनेक शेतक-यांनी आपल्या शेतीमधील पीक वाळून गेल्यामुळे काढून टाकले आहे, काढलेल्या पिकाचे पंचनामे करणे म्हणजे हा एक निगरगट्ट सरकारचा फार्स आहे. शेतक-यांना सरसकट कर्जमुक्त करण्यात यावे, विना अट सरसकट हेक्टरी एक लाखाची मदत द्यावी, विद्यार्थी व विद्यार्थिनींना मोफत शिक्षण द्यावे, इंजिनियरींग, मेडिकलच्या विद्यार्थ्यांची ,महाविद्यालय व वसतिगृहाची फिस माफ करावी, जनावरांना चारा, पिण्याच्या पाण्याची व्यवस्था करावी, पिक विमा, अतिवृष्टीमध्ये नुकसान झालेल्या शेतक-यांना तात्काळ मदत द्यावी, नुसत्या फसव्या घोषणा करून शेतक-यांची थट्टा करू नका, शेतक-यांच्या आत्महत्येस महायुतीचेच सरकार आहे असा घनाघाती आरोप शिवसेना जिल्हाप्रमुख बालाजी रेड्डी यांनी यावेळी केला.
यावेळी शिवसेनेचे उपजिल्हाप्रमुख भारत सांगवीकर, तालुकाप्रमुख दत्ता हेंगणे, विलास पवार हांगरगेकर, मार्गदर्शक अनिकेत फुलारी, गणेश माने,लहू बारवाड, संतोष आदटराव, पवन देऊळकर, पद्माकर पेंढारकर, सुभाष गुंडीले, सुधाकर जायभाये, दत्ता कदम, भगवान कदम, सोमनाथ आढाव, शिवकुमार बेद्रे, बाळासाहेब पडीले, माऊली देवकत्ते, गजानन येन्ने, निलकंठ आलापुरे, व्यंकट सुरकुटे, रवी चामवाड, गोविंद पवार, गंगाधर कल्याणे, सचिन गुंडरे, मारोती बिराडे, एकनाथ तेलंग, विठ्ठल श्रीमंगले, धनंजय तुडमे, शिवदत्त मद्दे, ऋषिकेश खोमणे, प्रदीप शिंगडे, संतोष सूर्यवंशी, भारत केंद्रे, विनोद वाघमारे, प्रदीप कुकाले, गणेश चव्हाण, गिरीधर भंडे, कृष्णा रोकडे, रवी राचमल्ले, सुरेश अंकुलगे, मुन्ना शेख यांच्यासह शिवसैनिक व सलग्न संघटनेच्या विविध आजी-माजी पदाधिका-यांची उपस्थिती होती.
