लातूर : प्रतिनिधी
नांदेड परिक्षेत्रातील अवैध व्यवसायांना पायबंद घालण्यासाठी पोलीस उपमहानिरीक्षक श्री शहाजी उमाप यांनी लातूर जिल्हयात हद्दीत पोलीस पथक पाठविले होते. सदर पथकाने पोलीस ठाणे अहमदपुर हद्दीतील उगिलेवाडी येथील घरामध्ये छापा टाकून, सदर ठिकाणाहून १ लाख १६ हजार ८८० रूपयांचा गुटखा जप्त केला आहे.
या प्रकरणी सुधीर सुर्यकांत बेंबडे व अतुल सुर्यकांत बेंबडे रा. उगिलेवाडी, ता. अहमदपुर, जि. लातूर यांच्याविरुद्ध अहमदपुर पोलीस ठाणे येथे गुरनं ६१४/२०२६ कलम १२३, २२३, २७४, २७५, ३(५) भारतीय न्याय संहितान्वये गुन्हा दाखल करण्यात आला आहे. सदर कारवाईत, पोलीस उपनिरीक्षक पंकज इंगळे यांचेसह पोहेकॉ प्रदिप खानसोळे, गणेश राठोड, गजानन डवरे यांनी सहभाग घेतला. पथकाच्या उल्लेखनीय कामगिरीबाबत पोलीस उप महानिरीक्षक शहाजी उमाप यांनी पथकातील अधिकारी व अंमलदारांचे कौतुक करून त्यांना प्रोत्साहित केले आहे.
