जळगाव : प्रतिनिधी
जळगाव जिल्ह्यातील एरंडोल तालुक्यातील रिंगणगाव येथे एका १४ वर्षीय शाळकरी मुलाचा गळा चिरून खून करण्यात आल्याने खळबळ उडाली आहे. राजेश महाजन असे मृत मुलाचे नाव असून, पोलिसांनी नरबळीचा संशय व्यक्त केला आहे.
दरम्यान, जळगाव जिल्ह्यातील एरंडोल तालुक्यातील रिंगणगाव येथे एका १४ वर्षीय शाळकरी मुलाचा गळा चिरून खून करण्यात आल्याची धक्कादायक घटना समोर आली आहे. राजेश गजानन महाजन (वय १४, रा. रिंगणगाव, ता. एरंडोल) असे मयत बालकाचे नाव असून, नरबळीचा संशय पोलिसांनी व्यक्त केला आहे.
राजेश महाजन हा रिंगणगाव येथे आई-वडील आणि मोठ्या बहिणीसोबत राहत होता. त्याचे वडील गजानन महाजन शेतीकाम करण्यासोबतच हार्डवेअरचे दुकान चालवून कुटुंबाचा उदरनिर्वाह करतात. सोमवारी (दि. १६) जून रोजी गजानन महाजन जळगावला कामानिमित्त गेले होते. त्यांनी राजेशला दुकानावर बसण्यास सांगितले होते. राजेशने दुकान बंद करून घरी परतावे अशी कुटुंबाची अपेक्षा होती, परंतु तो घरी आला नाही. सोमवारी गावाचा बाजाराचा दिवस असल्याने कुटुंबीयांनी त्याची शोधाशोध सुरू केली आणि एरंडोल पोलिस स्टेशनमध्ये तक्रार दाखल केली.
रात्रभर शोध, सकाळी मृतदेह आढळला
राजेश सोमवारी सायंकाळपासून बेपत्ता होता. संपूर्ण गावक-यांनी रात्रभर त्याचा शोध घेतला, मात्र तो सापडला नाही. अखेर आज सकाळी सहा वाजता गावाशेजारील काटेरी झुडुपांमध्ये त्याचा गळा चिरलेल्या अवस्थेत मृतदेह आढळून आला. या घटनेमुळे रिंगणगाव हादरले आहे.
