मुंबई : प्रतिनिधी
अभिनेत्री यामी गौतम धरने पेड निगेटिव्हिटीचा भांडाफोड करत, पैसे न दिल्यास नकारात्मक पब्लिसिटीची धमकी देणा-यांना खंडणीवजा पद्धतींचा आरोप लावला आहे. तिच्या मते, अशा व्यवहारांमुळे प्रामाणिक कामाचे अवमूल्यन होते. ‘धुरंधर’ संदर्भात तिने ही संस्कृती थांबवण्याची मागणी केली आहे.
तिने उद्योगातील बदलत्या वाईट पद्धतींवर आपला संताप व्यक्त केला आहे. तिने ‘पेड प्रमोशन्स’, ‘पेड-निगेटिव्हिटी’ आणि ‘हाईप प्री-पेड’ कल्चरबाबत खुली नोट लिहिली आहे. तिच्या या व्यथित पोस्टमुळे पुन्हा एकदा ‘प्रमोशन-नेपोटिझम-कल्चर’ या विषयावर चर्चा सुरू झाली आहे. तिने ही पोस्ट तिच्या इन्स्टाग्राम अकाऊंटवर लिहिली आहे. तिच्या म्हणण्यानुसार, काही लोक किंवा संस्थांकडून पैसे न दिल्यास चित्रपटाबद्दल नकारात्मक पब्लिसिटी करण्याची धमकी दिली जाते आणि ही बाब सिनेउद्योगासाठी अत्यंत घातक आहे.
यामीने एका लांब पोस्टमध्ये लिहिलेय, अभिनय आणि चित्रपटासाठी आता पैशांचा आधार देऊन, चुकीच्या ब्रँडिंग/प्रेस्टेज होऊ लागल्या आहेत. काही लोक जर पैसे नाही दिलेत तर नकारात्मक लेखन किंवा ट्रोलिंग सुरू करण्याची धमकी देतात, यावर तिने प्रहार करत कडक शब्दांत टीका केली.
यामीने स्पष्ट लिहिले की, आजकाल प्रामाणिक कामापेक्षा पैसे देऊन तयार केलेली हायप, प्लॅन केलेली निगेटिव्ह वृत्तं आणि कृत्रिम इमेज बनवण्यास जास्त महत्त्व दिले जात आहे. जर तुम्ही पैसे देत नसाल, तर मोठे भासवले जाणारे काही प्रोफेशनल ग्रुप्स चित्रपटाला मुद्दाम वाईट दाखवण्याचा प्रयत्न करतात. या सर्व पद्धती खंडणीसारख्याच आहेत.
चित्रपटाच्या मार्केटिंगच्या नावाखाली पैसे देण्याची ही तथाकथित प्रवृत्ती, चित्रपटासाठी चांगला ‘हायप’ तयार करण्यासाठी आहे. पैसे दिले नाहीत तर चित्रपटाविषयी निगेटिव्ह इमेज बनवल्या जातात, निगेटिव्ह गोष्टी लिहिल्या जातात, चित्रपट प्रदर्शित होण्यापूर्वीच या गोष्टी घडत राहतात. जोपर्यंत तुम्ही ‘त्यांना’ पैसे देत नाही तोपर्यंत, एक प्रकारची खंडणी वाटते. ही व्यवस्था सहजपणे अमलात आणली जाते, चित्रपट ‘हायप’ करायचा की दुस-या अभिनेत्याविरुद्ध/चित्रपटाविरुद्ध नकारात्मकता पसरवायची – ही बाब सिनेउद्योगाच्या भविष्यावर मोठ्या प्रमाणात परिणाम करणार आहे, असे तिने पोस्टमध्ये नमूद केले आहे.
