निलंगा : प्रतिनिधी
निलंगा नगरपालिका निवडणुकीमध्ये भाजपचे नगराध्यक्ष पदासह १५ नगरसेवक विजयी झाले तर काँग्रेसचे ८ नगरसेवक निवडून आले. यात जनतेतून थेट नगराध्यक्षपदासाठी भाजपचे संजय हलगरकर यांना ९९१४ मते पडली तर काँग्रेसचे हमीद शेख यांना ७८९८ मते मिळाल्याने भाजपचे संजय हलगरकर हे २ हजार २६ मतांनी विजयी झाले तर शिवसेना उद्धव बाळासाहेब ठाकरे गटाचे लिंबन महाराज यांना २७१२ मते मिळाल्याने ते तीन नंबरवर राहिले तर उर्वरित नगराध्यक्षपदाच्या चार उमेदवारांना स्वत:चे डिपॉझिट वाचवता आले नाही.
निलंगा नगरपालिकेच्या निवडणुकीची आज सकाळी १० वाजता येथील तहसील कार्यालयात प्रत्यक्ष मतमोजणीस सुरुवात झाली. यात प्रभाग १ अ मधून भाजपाच्या आशा फुलारी ९०९ मते घेऊन ३३५ मतांनी विजयी झाल्या तर काँग्रेसचे मनिषा नाईकवाडे यांना ५७४ मते पडली व ब मध्ये काँग्रेसचे अजित नाईकवाडे यांनी ७७० मते घेऊन २० मतांनी विजयी तर भाजपा किशोर लंगोटे ७५० मते मिळाली, प्रभाग २ अ मध्ये भाजपच्या लक्ष्मीबाई नागदे या १०२२ मते घेऊन ५९७ मतांनी विजयी तर काँग्रेस गंगुबाई सालघंटे ४५५ मते, ब अॅड वीरभद्र स्वामी १०७० मते घेऊन ६६९ मतांनी विजयी तर काँग्रेसचे अशोक शेटकार ४३१, प्रभाग ३ अ मध्ये भाजपच्या पूजा मोहळकर १४११ मते घेऊन १०७४ मतांनी विजयी तर संगीता म्हेत्रे काँग्रेस ३३७, ब मध्ये भाजपचे ईश्वर गायकवाड पाटील ११५९ मते घेऊन ५८८ मतांनी विजयी तर काँग्रेस भवानीप्रसाद नाईकवाडे ५१७ मते पडली. प्रभाग ४ अ मध्ये भाजपचे रमेशकुमार कांबळे हे ८५९ मते घेऊन १० मतांनी विजयी तर काँग्रेसचे ओमप्रकाश शिंदे ८४९ मते पडली, ब मध्ये भाजपच्या सोनाली हाडोळे ९३० मते घेऊन १५१ मतांनी विजयी तर काँग्रेसच्या अनुसया सावरे यांना ७७९ मते पडली.
प्रभाग ५ अ मध्ये काँग्रेसच्या विजया वांजरवाडे ११२६ मते घेऊन १६७ मतांनी विजयी तर भाजपाच्या शोभा पोतदार यांना ९५९ मते पडली व ब मध्ये भाजपचे मासूलदार खदीर १२०५ मते घेऊन ३९४ मतांनी विजयी तर हमीद शेख काँग्रेस यांना ८११ मते पडली, प्रभाग ६ अ मध्ये भाजपच्या सुधा मारुती वाघमारे १०८४ मते घेऊन ६४ मतांनी विजयी तर काँग्रेसच्या वंदना सोमवंशी १०२० मते पडली व ब मध्ये काँग्रेसचे सिराज देशमुख १०३१ मते घेऊन १८ मतांनी विजयी तर भाजपाच्या रुकसाना शेख १०१३, प्रभाग ७ अ मध्ये काँग्रेसचे मणियार इस्माईल ७४२ मते घेऊन ८६ मतांनी विजयी तर भाजपा मनोज कोळे यांना ६५६ मते पडली व ब मध्ये काँग्रेसच्या भोसले सरोजा ८०७ मते घेऊन २१३ मतांनी विजयी तर भाजपा मोबिन निसा अत्तार यांना ५९४ मते पडली. प्रभाग ८ अ मध्ये भाजपचे धर्मप्रकाश निंबाळकर ११४८ मते घेऊन ५३० मतांनी विजयी तर काँग्रेसचे नागनाथ फुलारी यांना ६१८ मते पडली व ब मध्ये भाजपच्या मिनाक्षी निलंगेकर ११३५ मते घेऊन ५१६ मतांनी विजयी तर काँग्रेस सविता पाटील ६१७ मते पडली,
प्रभाग ९ अ मध्ये भाजपचे निळकंठ पेठकर यांनी ११८६ मते घेऊन २७१ मतांनी विजयी तर काँग्रेसचे अजगर अन्सारी यांना ९१५ मते पडली, ब मध्ये काँग्रेसच्या शिवगंगा पेठकर ११६८ मते घेऊन २४६ मतांनी विजयी तर भाजपाचे तबसुम शेख ९२२, प्रभाग १० अ मध्ये भाजपचे सचिन गायकवाड हे ८०६ मते घेऊन ४३२ मतांनी विजयी तर काँग्रेस गिरीश पत्रे ३७४ मते पडली व ब मध्ये भाजपच्या रंजना कांबळे ६६३ मते घेऊन १८५ मतांनी विजयी तर वंचितच्या मंजू निंबाळकर यांना ४७८ मते पडली, प्रभाग ११ अ मध्ये काँग्रेसच्या स्वाती सूर्यवंशी ११५६ मते घेऊन ३० मतांनी विजयी तर भाजपा अश्विनी सूर्यवंशी यांना १५२६ मते पडली. ब मध्ये काँग्रेसच्या राधिका पेठकर यांनी १७०३ मते घेऊन १२४ मतांनी विजयी तर भाजपाच्या रेश्मा माडीबोने क मध्ये भाजपचे नयुम शेख यांनी १४८० मते घेऊन ४४ मतांनी विजयी झाले तर काँग्रेसचे इलाही चौधरी १४३६ घेऊन पराभूत झाले असल्याचे निवडणूक निर्णय अधिकारी प्रसाद कुलकर्णी यांनी घोषित केले.
