पुणे : प्रतिनिधी
महाराष्ट्र एनजीओ समितीचे राज्यस्तरीय अधिवेशन येत्या मंगळवारी १९ ऑगस्ट रोजी पुणे येथे आयोजित केले आहे. राज्यभरातील स्वयंसेवी संस्था मोठ्या संख्येने या अधिवेशनात सहभागी होणार आहेत, अशी माहिती महाराष्ट्र एनजीओ समितीचे राज्य अध्यक्ष डॉ. युवराज येडूरे यांनी पत्रकार परिषदेत सांगितले
डॉ येडूरे म्हणाले, या अधिवेशनात महाराष्ट्रातील स्वयंसेवी संस्थेचे प्रतिनिधी एकत्रितपणे सहभागी होऊन महाराष्ट्रातील सामाजिक समस्या, विकास आणि समाजासाठी काम करण्याच्या शासनाच्या व कंपनीच्या सीएसआर निधीतून विविध उपक्रम राबवण्यासाठी चर्चा व ठराव करणार आहेत.
अधिवेशनाच्या अध्यक्षस्थानी आदर्श ग्राम योजनेचे अध्यक्ष पोपटराव पवार असणार आहेत. उपमुख्यमंत्री अजित पवार, वैद्यकीय शिक्षणमंत्री हसन मुश्रीफ, उद्योगमंत्री उदय सामंत, उद्योग राज्यमंत्री इंद्रनील नाईक, माजी गृहराज्यमंत्री बाळा नांदगावकर, आमदार रोहित पवार यांची प्रमुख उपस्थिती असणार आहे.डॉ. येडूरे यांनी नमूद केले.
