लातूर : प्रतिनिधी
सर्वोच्च न्यायालयाच्या निर्णयाचे पालन करून पिसाळलेल्या, धोकादायक, आजारी, आक्रमक असलेल्या कुत्र्यांना दया मरण देऊन मोकाट कुत्र्यांचा बंदोबस्त करावा, अशी मागणी प्रभुराज प्रतिष्ठाणच्यावतीने लातूर मनपा अयुक्तांना निवेदन देवून करण्यात आली आहे. सद्या भारतात व लातूर शहरात मोकाट कुत्र्यांचा सुळसुळाट वाढला आसून नागरिकांत व बालकात भीतीचे वातावरण आहे. आक्रमक व धाकादायक, पिसाळलेल्या कुत्र्यांने चावा घेतल्याने नागरिक व बालकांना दुखापत होत आहे. यात आजारी पडून कांही जणांना प्राण गमवावा लागला. हे लातूर शहरातच नसून संपूर्ण भारताचा प्रश्न निर्माण झाला आहे.
यावर सर्वोच्च न्यायालयाने चिंता दर्शवून अनेक घटनेचा अवलोकन करून दि. ९ मे २०२६ रोजी सर्वोच्च न्यायालल्याने महत्वपूर्ण निर्णय दिलेला आहे. यात वैद्यकीय पशु अधिकारी व महानगर पालिका व इतर संस्था यांना निर्देश दिलेले आहे. देवस्थान, उद्यान, रुग्णालंय, बसस्थानक व नागरिकांचे गर्दीचे ठिकाण अश्या ठिकाणी उपाययोजना करून मोकाट कुत्र्यांचा बंदोबस्त करावा. नागरिकांना कसलाही त्रास होऊ नये या बाबत दया मरण (इच्छा मरण) परवानगी दिली असून या आदेश व निर्णयाचे काठेकोर तंतोतंत पालन करून मोकाट कुत्र्यांचा त्याचा प्रशासकीय अधिकाराचा वापर करून बंदोबस्त करण्याचा आदेश दिला आहे.
लातूर शहरातील मोकाट कुत्र्यांच्या सदंर्भाने यापूर्वी मनपा अधिका-यांना निवेदन दिले असून या गंभीर बाबीकडे दुर्लक्ष करीत असल्याचे दिसून येत आहे. सर्वोच्च न्यायालयाने दिलेल्या परवानगी व निर्देश आदेशाचे पालन करून मोकाट कुत्र्यांचा तात्काळ बंदोबस्त करून नागरिकांना सहकार्य करावे, असे निवेदन देण्यात आले. यावेळी प्रभुराज प्रतिष्ठाणचे अॅड. अजय कलशेट्टी, अॅड. सुरेश सलगरे, अॅड.शिरीष दहीवाल, एस. वाय. मशायक,दीपक गंगने, शिरीष माळी, विजय वारद, अजय घाळे, ओमप्रकाश सारडा, बंडाप्पा जवळे, मन्मथ चिकले, मन्मथ उपासे, अशोक पंचाक्षरी, विलास भुमकर, प्रकाश साठे, नंदकिशोर जोशी, सुधीर भुतडा, मन्ना तिवारी, महिंद्रकर आदी नागरिक मोठया संखने उपस्थित होते.
