चाकूर : प्रतिनिधी
तालुक्यातील हणमंतवाडी येथे उभारण्यात येणा-या शासकीय वस्तीगृह इमारतीच्या माध्यमातून सर्वसामान्य विद्यार्थ्यांना निवासाची सुविधा उपलब्ध होणार असून हे वसतिगृह मागासवर्गीय विद्यार्थ्यांसाठी शैक्षणिक प्रगतीचे केंद्र ठरणार आहे, असे प्रतिपादन राज्याचे सहकार मंत्री तथा गोंदिया जिल्ह्याचे पालकमंत्री बाबासाहेब पाटील यांनी केले. हनमंतवाडी येथे मागासवर्गीय विद्यार्थ्यांच्या निवासासाठी उभारण्यात येणा-या मुला-मुलींसाठीच्या दोन वसतीगृहाच्या तीस कोटी रुपयांच्या भूमिपूजन कार्यक्रमात ते बोलत होते.
अध्यक्षस्थानी राष्ट्रवादीचे तालुकाध्यक्ष शिवाजीराव काळे होते. मंचावर जिल्हा नियोजन समितीचे सदस्य पद्माकरराव पाटील, नगराध्यक्ष करीमसाब गुळवे, शिवसेनेचे जिल्हाप्रमुख गोपाळ माने, कार्यकारी अभियंता श्रीमती अलका डाके, उपनगराध्यक्ष साईप्रसाद हिप्पाळे, नगरसेवक मिलिंद महालिंगे, नगरसेवक विलासराव पाटील, भाजप तालुकाध्यक्ष सिद्धेश्वर पवार, शिवानंद हेंगणे, किशन रेड्डी, सुदर्शन मुंडे, जिल्हा उपाध्यक्ष बालाजी सूर्यवंशी, जिल्हा सरचिटणीस अर्जुन मद्रेवार, संचालक यशवंत जाधव, तालुका कार्याध्यक्ष भानुदास पोटे, तालुका कार्याध्यक्ष निसार देशमुख, नगरसेवक भागवत फुले, शिवदर्शन स्वामी, नगरसेवक नितीन रेड्डी, मुजम्मिल सय्यद, महंमद सय्यद, राम कसबे, संजय पाटील, पपन कांबळे, नरसिंग गोलावार, मुर्तुजा सय्यद, संदीप शेटे, सिद्धेश्वर अंकलकोटे, विष्णू तिकटे, विविनाथ एडके, शिवशंकर हाळे, विवेक शिंदे, परमेश्वर नवगण, अशोकराव पाटील, मच्छीद्र नागरगोजे, अंतेश्वर पाटील, मन्मथ पालापुरे, सरपंच हणमंत नरवटे, उपसरपंच राजकुमार शेटे ,निवृत्ती नरवटे, प्रभाकर नरवटे, परमेश्वर पाटील, शंकर पाटील, माधव नरवटे, रमाकांत नरवटे, दिगंबर किसवे, बजरंग नरवटे, संग्राम नरवटे, समाधान जाधव, अण्णाराव नरवटे, लक्ष्मण जाधव, मुक्केवार राठोड, संदीप गुळवे, नागेश नरवटे, गोविंद जाधव, तुकाराम नरवटे, ईश्वर गुळवे ,मनोज पाटील हे उपस्थित होते.
मंत्री पाटील म्हणाले की, या वस्तीगृहाचे बांधकाम दर्जेदार होणार, भविष्यात दूध डेअरी सुरू करण्याचा प्रयत्न आहे. असे पाटील म्हणाले. प्रास्ताविक कार्यकारी अभियंता डाके यांनी केले. यावेळी नगरसेवक महालिंगे, शिवसेनेचे जिल्हाप्रमुख माने, भाजपचे तालुकाध्यक्ष सिद्धेश्वर पवार, नगरसेवक विलासराव पाटील चाकूरकर यांची समयोचित भाषणे झाली. सूत्रसंचालन व आभार बिलाल पठाण यांनी केले. या कार्यक्रमास तालुक्यातील विविध गावातील नागरिकांची उपस्थिती होती.
