मुंबई : प्रतिनिधी
मुंबई पोलिसांनी कॉकरोच जनता पार्टीच्या २ ऑक्टोबर रोजी शिवाजी पार्क येथे होणा-या आंदोलनाला परवानगी दिली नाही. हे आंदोलन निवडणूक आयोग आणि मुख्य निवडणूक आयुक्त ज्ञानेश कुमार यांच्या विरोधात होणार होते.
पोलिसांनी असे सांगितले की, शिवाजी पार्क शांतता क्षेत्रात येते आणि त्याच्या आसपास निवासी परिसर आहेत. आंदोलनामुळे वाहतूक कोंडी होण्याची तसेच आसपासच्या रुग्णालयांपर्यंत आपत्कालीन वाहनांची ये-जा प्रभावित होण्याची शक्यता आहे. आयोजकांना मुंबईतील अन्य ठिकाणाचा पर्याय शोधण्याचा सल्ला देण्यात आला आहे.
दरम्यान, सीजेपी चे संस्थापक अभिजीत दिपके म्हणाले- नागरिकांचा आवाज दाबण्याचे असे प्रयत्न स्वीकारार्ह नाहीत. आम्हाला आंदोलन करण्याच्या अधिकारापासून वंचित ठेवले गेले, तर उखढ गांधी जयंतीच्या दिवशी मुंबईत जेल भरो आंदोलन सुरू करेल.
कॉकरोच जनता पाटीने २४ सप्टेंबर रोजी मुख्य निवडणूक आयुक्त ज्ञानेश कुमार यांना ४८ तासांत राजीनामा देण्याचा अल्टिमेटम दिला होता. पक्षाने म्हटले की, त्यांनी राजीनामा दिला नाही तर देशभरात आंदोलन केले जाईल आणि त्यानंतर दिल्लीत निदर्शने केली जातील.
सीजेपी संस्थापक अभिजीत दिपके यांनी दिल्लीत पत्रकार परिषदेत म्हटले- ज्ञानेश कुमार हे या देशातील सर्वात मोठे देशद्रोही आहेत. त्यांनी रकफ च्या माध्यमातून देशातील १३ कोटींहून अधिक मते हटवली. लोकांकडून मतदानाचा अधिकार हिरावून घेतला जात आहे.
दिपके यांनी म्हटले- लोकशाहीचा अर्थ असा आहे की जनता आपले सरकार निवडते. पण जेव्हापासून ज्ञानेश कुमार मुख्य निवडणूक आयुक्त झाले आहेत, तेव्हापासून सरकार ठरवत आहे की कोण मतदान करणार आणि कोण नाही.
