लातूर : प्रतिनिधी
समग्र शिक्षा,जिल्हा परिषद, लातूर अंतर्गत इयत्ता पहिली ते आठवीच्या स्थानिक स्वराज्य संस्था व खाजगी अनुदानित शाळेतील २ लाख ३१ हजार ४१६ विद्यार्थ्यांना मोफत पाठयपुस्तक वितरित करणा-या वाहनाच्या वाहनाला हिरवा झेंडा दाखवून वाहतुकीचा शुभारंभ जिल्हा परिषदेचे उपाध्यक्ष तथा शिक्षण समिती सभापती दयानंद सुरवसे यांच्या हस्ते करण्यात आला. यावेळी शिक्षणाधिकारी प्राथमिक तृप्ती अंधारे उपस्थित होत्या.
२०२६-२७ या वर्षात जिल्ह्यातील मराठी माध्यमाच्या २ लाख ०४ हजार ९०३, सेमी माध्यमाच्या १८२ व उर्दू माध्यमाच्या २६ हजार ३३१ अशा २ लाख ३१ हजार ४१६ विद्यार्थ्यांना मोफत पाठ्यपुस्तक शाळेच्या पहिल्या दिवशी वितरित करण्यात येणार आहेत. त्यासाठी बालभारती, विभागीय मंडळ, लातूर येथून सदर पुस्तके तालुकास्तरावर व तालुका स्तरावरून ते शाळा स्तरावर वितरित करण्याची नियोजित आहे. या कार्यक्रमास बालभारती विभागीय मंडळाचे सचिन आलडवाड, भांडार व्यवस्थापक श्रीकिशोर जाधव, सहाय्यक निर्मिती अधिकारी दिपक कुंभार, भांडार अधीक्षक दिपक गलांडे, रवी औसेकर, चेतन वाल्मिकी, चौळे उपस्थित होते. पाठ्यपुस्तक वाटपाचे नियोजन समग्र शिक्षा अभियान या कार्यालयामार्फत करण्यात येत असून त्या कार्यालयाचे सतीश भापकर, रउफ शेख, चंद्रकांत ठाकरे, दत्तात्रय माळकर, सुनील राजुरे, गोविंद भोळे, योगिराज आमगे इत्यादी अधिकारी कर्मचारी सदर उपक्रमाचे नियोजन करत आहेत.
