लातूर : प्रतिनिधी
कन्नड येथून गेली १७ वर्षापासून सातत्याने प्रसिद्ध होणारे भाषा, साहित्य, कला आणि लोकसंस्कृतीला वाहिलेले त्रैमासिक तिफण व तिफण वाचक चळवळ यांच्या वतीने २०२४-२०२५ या वर्षातील साहित्यकृतींना देण्यात येणारे तिफण राज्यस्तरीय वाङ्मयीन पुरस्कारासाठी विविध वाङ्मय प्रकारातील पुस्तके मागविण्यात आली होती. सदरील पुरस्कार जाहीर करण्यात येत आहे. ना. धो. महानोर तिफण काव्य पुरस्कार जेष्ठ साहित्यिक रमेश चिल्ले यांना (पाणीबाणी नंतरच्या कविता ) घोषीत करण्यात आला आहे.
यापूर्वी रमेश चिल्ली यांना अनेक राज्यस्तरीय पुरस्काराने सन्मानित करण्यात आले आहे आतापर्यंत त्यांचे ओस झाल्या दिशा, नांगरून पडलेले शतक, मातीवरची लिपी व पाणीबाणी नंतरच्या कविता हा चौथा कवितासंग्रह प्रकाशित झाला आहे. रमेश चिल्ले यांचे आतापर्यंत कथा, कविता, कादंबरी, ललित, बालसाहित्य, समीक्षा अशी २५ पुस्तके प्रकाशित झाली असून ‘पाणीबाणी नंतरच्या कविता’ हा बहुचर्चित कवितासंग्रह यास कन्नड येथील तिफन पुरस्कार मिळाला आहे.
राज्यभरातून या पुरस्कारासाठी पुस्तके प्राप्त झाली होती. त्यातून ही निवड करण्यात आली आहे. एका विशेष कार्यक्रमात हे पुरस्कार सन्मानपूर्वक प्रदान करण्यात येईल अशी माहिती तिफण त्रैमासिकाचे संपादक पुरस्कार निवड समितीचे अध्यक्ष तथा संयोजक प्रा. डॉ. शिवाजी हुसे, प्रा. डॉ. सर्जेराव जिगे, प्रा. डॉ. दिलीप बिरुटे, प्रा. डॉ. रामचंद्र झाडे, डॉ. सुधाकर जाधव, यांनी दिली आहे.
