पुणे : पुणे-सोलापूर महामार्गावर होर्डिंग कोसळल्याची घटना घडली आहे. मिळालेल्या माहितीनुसार, लोणी-काळभोरमध्ये हे होर्डिंग कोसळले आहे. होर्डिंगच्या बाजूलाच बँड पथक होते आणि अनेक गाड्या पार्क केलेल्या होत्या. यात होर्डिंग खाली उभा असलेला बँड पथकातील घोडा गंभीर जखमी झाला आहे. अनेक गाड्यांचे नुकसान झाले आहे.
शहर आणि परिसरामध्ये पावसाला सुरुवात झाली आहे. तसेच जोराचा वारा देखील वाहू लागला आहे. यावेळी लोणी-काळभोर येथील होर्डिंग कोसळले. जवळच एक लग्नकार्य पार पडले होते. त्यामुळे बँड पथक या होर्डिंगच्या बाजूला उभे होते. बँड पथकातील दोन घोडे देखील तेथे उभे होते. अचानक होर्डिंग पडल्यामुळे एका घोडा जखमी झाला आहे.
