लातूर : प्रतिनिधी
लातूरच्या आडत बाजारात शुक्रवारी सकाळी शेतमालाचा सौदा काढण्यासाठी लातूर बाजार समितीचा झेंडा फिरला. मात्र आडते-हमालांच्या समन्वयाच्या अभावामुळे दुस-या दिवशीही शेतमालाचा सौदा निघाला नाही. सौद्याची कोंडी फोडण्यासाठी दुपारी बोलावलेल्या बैठकीत हमालांच्यामध्येच शाब्दीक बाचाबाची झाल्याने तोडग्याविना बैठक निष्फळ ठरली. त्यामुळे शनिवारी लातूरचा आडत बाजार सुरू होतो का याकडे शेतक-यांसह सर्वांचे लक्ष लागले आहे.
कांही शेतक-यांकडून डबल एस बारदाण्यात (प्लॉस्टीक) शेतमाल येत असल्यामुळे हमालांनी त्यास विरोध म्हणून आडत बाजार गुरूवारी बंदची हाक दिली होती. शुक्रवारी सौदा निघेल असे सर्व घटकांना वाटत होते. लातूर बाजार समितीने नेहमी प्रमाणे शेतमालाचा सौदा काढण्यासाठी आडत बाजारात सकाळी झेंडाही फिरला. शेतमालाचा सौदा करण्यासाठी आडत्यांनी शेतमाल न लावल्याने व्यापारीही गप्पच राहिले. त्यामुळे शुक्रवारीही लातूरच्या आडत बाजारात शेतमालाचा सौदा निघू शकला नाही. त्यामुळे गेल्या दोन दिवसापासून कोटयावधी रूपयांची उलाढाल ठप्प आहे. तसेच बाजार बंद असल्याने शेतक-यांच्याही आर्थिक आडचणी वाढल्या आहेत. गुरूवार प्रमाणे शुक्रवारीही शेतमालाचा सौदा न निघाल्याने रस्ते शांत व निर्मुष्य पाहयला मिळले.
गेल्या दोन दिवसापासून बंद आसलेला आडत बाजार सुरू करण्यासाठी लातूर बाजार समितीने दुपारी ४ वाजता बैठकही बोलावली होती. या बैठकीस उपस्थित हमाल बांधवांच्या संघटनामध्येच शब्दीक बाचाबाची झाली. त्यामुळे विषय चिघळला. त्यामुळे डबल एस बारदाण्याच्या (प्लॉस्टीक) सदर्भाने सकारात्मक चर्चा न होताच बैठक निष्फळ ठरली. त्यामुळे शनिवारी आडत बाजार सुरू होण्यावर प्रश्न चिन्ह निर्माण झाले आहेत. असे असले तरी ज्या कामगारांचे हातावर पोट आहेत, अशा कामगारांची आडचण होत आहे.
