न्यू यॉर्क : अमेरिका आणि भारतामध्ये एक मोठी ट्रेड डील झाली आहे, या ट्रेड डीलचा भरताला मोठा फायदा होण्याची शक्यता आहे. दरम्यान अमेरिकेपूर्वी भारताने युरोपियन यूनियनसोबत देखील एक ट्रेड डील केली आहे. अमेरिकेसोबत ट्रेड डील होताच अमेरिकेचे राष्ट्रध्यक्ष डोनाल्ड ट्रम्प यांनी भारतावरील टॅरिफ कमी करण्याचा निर्णय घेतला आहे, दरम्यान आता भारतासाठी आणखी एक मोठी गुडन्यूज समोर आली आहे. आता जगातील शक्तिशाली देशांची ताकद ही फक्त कच्च्या तेलावर ठरणार नाहीये तर त्यात रेअर अर्थ मिनरल्सचा देखील समावेश झाला आहे.
अमेरिकेने चीनविरोधात मोठा डाव खेळला आहे. अमेरिकेने भारतासह तब्बल ५४ देशांना एकत्र करून आंतरराष्ट्रीय खनिज समूह तयार करण्यास सुरुवात केली आहे, रेअर अर्थ क्षेत्रात चीनची मक्तेदारी मोडून काढणे हा या समूहाचा मुख्य उद्देश असणार आहे, या समुहामध्ये भारताकडे महत्त्वाची जबाबदारी असणार आहे, सध्या तब्बल ९० टक्के रेअर अर्थ खनिजांच्या पुरवठ्यावर चीनची मक्तेदारी आहे, त्यामुळे हा समूह किती महत्त्वाचा आहे? यावरून कल्पना येते.
वाशिंग्टनमध्ये आयोजित क्रिटिकल मिनरल्स मिनिस्टीरिय बैठक २०२६ मध्ये या संदर्भात घोषणा करण्यात आली आहे. या बैठकीमध्ये अमेरिकेचे परराष्ट्र मंत्री मार्को रुबियो, उपराष्ट्रपती जेड वेंन्स आणि आर्थ मंत्री स्कॉट बेसेन्ट देखील सहभागी झाले होते. भारताच्या वतीने या बैठकीमध्ये पराष्ट्रमंत्री एस. जयशंकर यांनी हजेरी लावली आहे, यावरून आता हे स्पष्ट होत आहे की, भारत या ५४ देशांच्या समूह संघटनेमध्ये केंद्रस्थानी असणार आहे.
३० अब्ज डॉलरची गुंतवणूक
चीनला टक्कर देण्यासाठी आणि चीनची रेअर अर्थ मिनरल्समधील मक्तेदारी संपुष्टात आणण्यासाठी दोन गट तयार करण्यात आले आहेत, ज्यामध्ये पहिला गट आहे. फॉर्ज या देशांवर रेअर अर्थ मिनरल्सची किंमत आणि पुरवठा सुरक्षित तसेच स्थिर करण्याची जबाबदारी आहे, ज्याचे नेतृत्व दक्षिण कोरियावर सोपवण्यात आले आहे, तर दुसरा गट आहे पॅक्सिलिका हा समूह सेमीकंडक्टर, आर्टिफिशियल इंटेलिजन्स आणि हाय-टेक उद्योगांसाठी आवश्यक असलेल्या खनिजांचा पुरवठा यातील चीनची मक्तेदारी कमी करण्यावर भर देणार आहे, यामध्ये भारत एक महत्त्वाचा आधारस्तभ असून, भारताची भूमिका निर्णयाक ठरणार आहे. यासाठी अमेरिकेकडून तब्बल ३० अब्ज डॉलरची गुंतवणूक करण्यात येणार असल्याची माहिती समोर येत आहे.
