पिंपरी चिंचवड : शहरातील सायन्स पार्कजवळ पोदार इंटरनॅशनल स्कूलच्या बस आणि एका आलिशान गाडीचा भीषण अपघात झाला आहे. या अपघातात स्कूल बसमध्ये असलेल्या दोन विद्यार्थी जखमी झाले आहेत.
दुपारी साडेबाराच्या सुमारास हा अपघात झाला. पिंपरी पोलिसांनी दिलेल्या माहितीनुसार, स्कूल बस बीआरटी लेनमध्ये जात असताना एक आलिशान गाडी भरधाव वेगात आली आणि स्कूल बसला समोरासमोर जोरदार धडक दिली. या अपघातात स्कूल बसमध्ये असलेल्या दोन विद्यार्थी जखमी झाले आहेत.
जखमी विद्यार्थ्यांना तातडीने जवळच्या खासगी रुग्णालयात उपचारासाठी दाखल करण्यात आले आहे. पिंपरी पोलिसांनी सांगितले की, पोदार इंटरनॅशनल स्कूलची ही बस पंधरा विद्यार्थ्यांना घेऊन जात होती. अपघाताच्या वेळी विद्यार्थ्यांना मोठा धक्का बसला आणि ते घाबरले. पोलिसांनी घटनास्थळी तातडीने पोहोचून बचावकार्य सुरू केले.
अपघाताचा तपास सुरू
पिंपरी पोलिसांनी या अपघाताचा तपास सुरू केला आहे. गाडीचा चालक आणि बसच्या चालकांची चौकशी सुरू आहे. अपघाताचे नेमके कारण काय होते याचा शोध घेतला जात आहे. अशा अपघातांना आळा घालण्यासाठी पोलिसांनी वेगाने चालणा-या गाड्यांवर नियंत्रण ठेवण्याचे आवाहन केले आहे.
