21.1 C
Latur
Tuesday, March 9, 2021
Home उद्योगजगत सॅमसंग OLED डिस्प्ले प्रकल्पच भारतात उभारणार; देशात 1300 नोकऱ्या उत्पन्न होणार

सॅमसंग OLED डिस्प्ले प्रकल्पच भारतात उभारणार; देशात 1300 नोकऱ्या उत्पन्न होणार

एकमत ऑनलाईन

नवी दिल्ली : दक्षिण कोरियाची कंपनी आणि जगभरात सर्वाधिक स्मार्टफोनचा खप असलेली सॅमसंगनेचीनला मोठा धक्का दिला आहे. सॅमसंग उत्तर प्रदेशमध्ये मोबाईल डिस्प्लेचा प्लांट उभारणार आहे. यासाठी ५ हजार कोटींची गुंतवणूक करणार आहे.  भारत सरकार आणि सॅमसंगमध्ये 2019 च्या अखेरीस याबाबतचा करार झाला होता. मात्र, सध्या सुरु असलेल्या भारत-चीन आणि कोरोना वादामुळे या कराराला महत्व आले आहे. चीनपेक्षा भारतात करामध्ये सूट मिळाल्याने सॅमसंगने हा निर्णय घेतला आहे.  सॅमसंग भारतामध्ये 705.75 दशलक्ष डॉलरची गुंतवणूक करणार आहे. यामुळे देशात 1300 नोकऱ्या उत्पन्न होणार आहेत.

दोन महिन्यांत काही कंपन्यांनी भारतात प्लँट हलविण्याची घोषणा

सॅमसंग ही जगातील सर्वात मोठी ओएलईडी पॅनल निर्माण करणारी कंपनी आहे. नोएडामध्ये हा प्रकल्प उभारण्यात येणार असून अन्य काही प्रकल्पही चीनमधून भारतात हलविण्याचा सॅमसंगचा विचार आहे.  सॅमसंग कंपनीने नोएडामध्ये सर्वात मोठा स्मार्टफोन निर्मिती प्रकल्प उभारला आहे. कंपनीसोबत सध्या विविध लाभ देण्याबाबत चर्चा सुरु असून अद्याप कोणताही निर्णय घेण्यात आला नसल्याचे उत्तर प्रदेशचे उद्योग मंत्री सतीश महाना यांनी सांगितले.  सध्या सॅमसंगचे तीन OLED डिस्प्ले निर्मितीचे प्रकल्प चीनमध्ये आहेत. तर नऊ प्रकल्प द. कोरियामध्ये व एक व्हिएतनाममध्ये आहे. कंपनीने आधीच एलसीडी व्यवसायातून बाहेर पडण्याचे जाहीर केले असून OLED आणि QLED वर लक्ष केंद्रीत केले आहे. भारताने कोरोनामुळे नाराजी असल्याने चीनमध्ये असलेल्या कंपन्यांना आकर्षित करण्यास सुरुवात केली आहे. गेल्या दोन महिन्यांत काही कंपन्यांनी भारतात प्लँट हलविण्याची घोषणाही केली आहे.

पाच वर्षांत भारतात ८०० कोटी रुपये गुंतविण्यात येणार

मोबाईल साहित्य बनविणारी कंपनी लावा इंटरनॅशनल ने चीनला मोठा झटका दिला आहे. कंपनीने शुक्रवारी सांगितले की, चीनमधील प्रकल्प कायमचा बंद करून भारतात येत आहोत. कंपनीच्या संचालकांचे म्हणणे आहे की, आम्ही आता भारतातून चीनला मोबाईल निर्यात करणार आहोत. यासाठी पुढील पाच वर्षांत भारतात ८०० कोटी रुपये गुंतविण्यात येणार आहेत. तसेच जर्मनीचा फुटवेअर ब्रँड वॉन वेल्स (Von Wellx) चीनमधील उत्पादन प्रकल्प भारतात स्थलांतरीत करणार आहे. भारतात हा प्रकल्प आग्रामध्ये स्थापन केला जाणार असून लॅट्रिक इंडस्ट्रीसोबत कंपनीने करार केल्याचे समजत आहे.  सॅमसंगला हुवावेने काढले मागे सॅमसंग ही कंपनी स्मार्टफोन विक्रीमध्ये जगामध्ये एक नंबरला होती. य़ा कंपनीला चीनची कंपनी हुवावेने मागे टाकले आहे. एप्रिलमध्ये हुवावेने सॅमसंगचा मागे काढले.

Read More  भाजपला धक्का, या राज्यातलं सरकार संकटात; काँग्रेस मारणार बाजी?

ताज्या बातम्या

आणखीन बातम्या

1,444FansLike
122FollowersFollow
SubscribersSubscribe

लोकप्रिय बातम्या