33.7 C
Latur
Saturday, May 28, 2022
Homeउद्योगजगतशेअर बाजार गडगडला !

शेअर बाजार गडगडला !

गुुंतवणूकदारांचे तीन लाख कोटी पाण्यात ;२१५ शेअरनी गाठली वर्षभरातील निचांकी पातळी

एकमत ऑनलाईन

मुंबई : गुरुवारी शेअर बाजारात मोठी नकारात्मक घडामोड झाली. जागतिक बाजारातील नकारात्मक संकेताचा बाजारावर परिणाम होऊन शेअर निर्देशांकांची पुरती दाणादाण उडाली. सेन्सेक्स आणि निफ्टी दोन्हीतही मोठी पडझड झाली. गुंतवणूकदारांचे तब्बल ३.३० लाख कोटींचे नुकसान झाले.

सकाळपासूनच बाजारात विक्रीचा सपाटा सुरु झाला. बँका, वित्तसंस्था, एफएमसीजी, मेटल, आयटी या क्षेत्रात घसरण झाली. चौफेर विक्रीत २१५ शेअरनी वर्षभरातील नीचांकी पातळी गाठली. मिडकॅपमधील श्रीराम ट्रान्सपोर्ट ५ टक्के, चोलामंडलम इन्व्हेस्टमेंट ५ टक्के, इन्फोएज, आयडीएफसी, जिंदाल स्टील, व्हर्लपूल, सेंट्रल बँक, आरबीएल बँक, महिंद्रा फायनान्स हे शेअर ३ टक्क्यांनी घसरले.

गुरुवारच्या सत्रात सेन्सेक्स १०६६ अंकांनी कोसळला आणि ३९७२८ अंकावर बंद झाला. राष्ट्रीय शेअर बाजाराचा निफ्टी २९० अंकांनी आपटला आणि तो ११६८० अंकावर बंद झाला. रिलायन्स आणि आयटीसीच्या शेअरमध्ये जोरदार नफावसुली झाली. या पडझडीत गुंतवणूकदारांचे ३.३० लाख कोटीचे नुकसान झाले. मुंबई शेअर बाजारातील नोंदणीकृत कंपन्यांचे बाजार भांडवल १५७.२२ लाख कोटी इतके खाली आले.

पडझडीची कारणे
* अमेरिकेत निवडणुकीचे पडघम वाजत असले तरी दुस-या बाजूला कोरोनाने अर्थव्यवस्थेला जेरीस आणले आहे. अमेरिकन अर्थव्यवस्था सावरण्यासाठी हाऊस ऑफ रिप्रेझेंटेटिव्हकडून दुसरे आर्थिक पॅकेज जाहीर करण्याचे संकेत यूएस ट्रेजरी सेक्रेटरी स्टीव्ह म्युनिच यांनी दिले.
* अमेरिका आणि चीनमधील व्यापारी युद्ध पुन्हा एकदा भडकण्याची शक्यता आहे. चीनमधील एका बड्या उद्योगसमूहाला काळ्या यादीत टाकण्याची शिफारस यूएस स्टेट डिपार्टमेंटने ट्रम्प प्रशासनाकडे केली आहे.
* जगभरात कोरोना रुग्णांचा वाढता आकडा गुंतवणूकदारांची धास्ती वाढवत आहे. कोरोना आटोक्यात येण्याऐवजी वाढत असल्याने पुन्हा एकदा जगभरात अनिश्चितता निर्माण झाली आहे. भारतात कोरोना रुग्णांची संख्या ७६ लाखांवर गेली आहे. युरोपात काही देशांनी पुन्हा एकदा लॉकडाऊनची तयार सुरु केली आहे. कोरोनाची दुसरी लाट येणार अशी शक्यता वर्तवल्याने जगभरातील भांडवली बाजारावर परिणाम झाला आहे.

तीन बड्या शेअर्सनी गमावले ८३००० कोटी!
बाजारातील तीन बड्या शेअर्सनी ८३००० कोटी गमावले. यात रिलायन्स इंडस्ट्रीज, टीसीएस आणि एचडीएफसी बँक या शेअरचा समावेश आहे. आजच्या सत्रात सर्वधिक फटका या तीन शेअरला बसला. ज्यात रिलायन्सचे बाजार भांडवल १५.०२ लाख कोटी झाले. याआधीच्या सत्रात ते १५.४६ लाख कोटी होते. टीसीएसचे बाजार भांडवल १०.२८ लाख कोटींपर्यंत खाली आले आहे. एचडीएफसी बँकेचे बाजार भांडवल ६.४३ लाख कोटी झाले.

पंतप्रधान मोदींच्या संपत्तीत गेल्या वर्षीच्या तुलनेत वाढ

Stay Connected

1,567FansLike
189FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या