पुणे : देशासह राज्यात सध्या थंडीची लाट पाहायला मिळत असून पुढील काही दिवसांत हवामानात बदल होताना पाहायला मिळत आहे. देशासह राज्यातही काही भागात पावसाची शक्यता असल्याचा अंदाज हवामान खात्याने वर्तवला आहे. पुढील २४ तासांत महाराष्ट्रात काही ठिकाणी पावसाची हजेरी पाहायला मिळत आहे.
पुढील ४८ तासांत राज्यातील काही भागात हलक्या पावसाच्या सरी कोसळण्याचा अंदाज आहे. अरबी समुद्रात कमी दाबाचा पट्टा निर्माण झाल्याने बंगालच्या उपसागरावरून बाष्पयुक्त वारे वाहत आहे. यामुळे देशासह राज्यात काही ठिकाणी पावसासाठी अनुकूल परिस्थिती निर्माण झाली आहे. राज्यात पुढील दोन ते तीन दिवस राज्यात काही भागात पावसाची शक्यता आहे.
पुढील दोन ते तीन दिवस वरुणराजा बरसणार
हवामान खात्याच्या अंदाजानुसार, पुढील दोन ते तीन दिवस कोकणासह मध्य महाराष्ट्रात पावसाची शक्यता वर्तवण्यात आली आहे. यासह विदर्भ आणि मराठवाड्याच्या हवामानावरही परिणाम होणार आहे. पुढील काही दिवसांत मराठवाडा आणि विदर्भात थंडीचा कडाका वाढण्याचा अंदाज आहे, असे आयएमडीने म्हटले आहे.
