नवी दिल्ली : टीम इंडियाचा स्टार क्रिकेटपटू विराट कोहली आणि त्याची पत्नी अभिनेत्री अनुष्का शर्मा हे एक प्रसिद्ध आणि लाडके जोडपे आहे. अलीकडेच विराट कोहलीने एका मुलाखतीत त्याची प्रेमळ पत्नी अनुष्का शर्माने केलेल्या त्यागाबद्दल भाष्य केले आणि तो आपल्या पत्नीला आपली प्रेरणा मनात असल्याचेही म्हणाला.
अलीकडेच ‘रॉयल चॅलेंजर्स बंगळुरू’च्या पॉडकास्ट दरम्यान विराट म्हणाला, गेल्या दोन वर्षांत ज्या प्रकारे गोष्टी घडल्या आहेत, आम्हाला एक मुलगी आहे आणि एक आई म्हणून अनुष्काने जो त्याग केला आहे, ती खूप मोठी गोष्ट आहे.
तिला हे सगळं सांभाळताना पाहून मला जाणीव झाली की माझ्या समस्या तिच्यासमोर काहीच नाहीत. जोपर्यंत अपेक्षांचा प्रश्न आहे, तुम्ही जसे आहात तसे तुमचे कुटुंब तुमच्यावर प्रेम करत असेल तर तोपर्यंत तुम्हाला जास्त कसली अपेक्षा ठेवण्याची गरज नाही, कारण ही मूलभूत गरज आहे.
तो पुढे म्हणाला, जेव्हा तुम्ही प्रेरणा शोधता तेव्हा तुम्ही घरापासून सुरुवात करता आणि साहजिकच, अनुष्का माझ्यासाठी खूप मोठी प्रेरणा होती. माझा जीवनाकडे पाहण्याचा दृष्टिकोन पूर्णपणे वेगळा होता. अनुष्काचा जीवनाकडे पाहण्याचा दृष्टिकोन वेगळा होता आणि त्यामुळे मला अधिक चांगल्याप्रकारे गोष्टी स्वीकारण्याची प्रेरणा मिळाली.
