पाटणा: अभिनेते नाना पाटेकर यांनी आज पाटण्यात सुशांत सिंह राजपूत यांच्या कुटुंबीयांची भेट घेतली. सुशांतचे वडिल कृष्णकुमार सिंह यांना ते भेटले आणि त्यांचं सांत्वन केलं. सुशांतचं जाणं हा आमच्या सगळ्यांसाठी मोठा धक्का होता. तो अतिशय गुणी आणि उत्तम अभिनेता होता अशी प्रतिक्रिया नानांनी या भेटीनंतर दिली. त्यावेळी नाना पाटेकर भावूक झाले होते. हा धीर आणि संयमाचा काळ असल्याचंही त्यांनी सुशांतच्या कुटुंबीयांना सांगितलं. सुशांतला नक्कीच न्याय मिळेल असंही ते म्हणाले.
Read More भारत-जपान नौदलाचा संयुक्त सराव
एका स्वयंसेवी संस्थेच्या कार्यक्रमासाठी नाना पाटेकर पाटण्यात आले आहेत. 14 जून रोजी सुशांतने आत्महत्या केली होती. मुंबईतल्या फ्लॅटमध्ये त्याने गळफास घेऊन आपलं जीवन संपवलं होतं. मुंबई पोलीस त्याच्या आत्महत्या प्रकरणाची चौकशी करत आहेत.
After meeting the CRPF jawans. ACTOR Nana Patekar visit the Sushant Singh Rajput Home Rajeev Nagar In Patna…#CBIEnquiryForSSR #NanaPatekar#DilBecharaOnBigScreen pic.twitter.com/gx7XLGiDGv
— Sam (@O07SAM) June 28, 2020
