दोहा : कतारमध्ये सुरू असलेल्या फिफा विश्वचषक स्पर्धेत कॅमेरूनने ब्राझीलचा १-० असा पराभव करत ब्राझीलला चकित केले. विश्वचषकात ब्राझीलला पराभूत करणारा हा कॅमरून पहिला आफ्रिकन देश ठरला. मात्र कॅमेरूनचा हा विजयही त्याला उपांत्यपूर्व फेरी गाठण्यात मदत करू शकला नाही. ब्राझीलला पराभवामुळे काही फरक पडला नाही.
ब्राझीलच्या कॅमेरूनच्या उलटफेर निकालाने त्यांच्या उपांत्यपूर्व फेरीच्या मोहिमेवर काहीही परिणाम झाला नाही. ब्राझीलने आधीच अंतिम १६ मध्ये स्थान मिळवले होते.
अतिरिक्त वेळेत व्हिन्सेंट अबुबाकरने गोल करून कॅमेरूनला ब्राझीलवर १-० अशी आघाडी मिळवून दिली. ब्राझीलकडून एकाही खेळाडूला गोल करता आला नाही. त्यांच्याकडे ३ सामन्यांत ६ गुण आहेत आणि ते गोल सरासरीने गटात अव्वल स्थान मिळवून बाद फेरीसाठी पात्र ठरले आहेत. उपांत्यपूर्व फेरीत त्यांचा सामना दक्षिण कोरियाशी होणार आहे.
त्याचवेळी कॅमेरूनच्या विजयानंतरही त्याची मोहीम मात्र इथेच संपली. कॅमेरूनने ग्रुप स्टेजमध्ये तीन सामने खेळले. यादरम्यान त्याना शेवटी विजय मिळवला आहे, तर एका सामन्यात त्याला पराभवाचा सामना करावा लागला आहे.
दुसरीकडे ग्रुप जी गटातील आणखी एका सामन्यात स्वित्झर्लंडने सर्बियाचा ३-२ असा पराभव करत उप उपांत्यपूर्व फेरीत प्रवेश केला. स्वित्झर्लंडने तीनपैकी दोन सामने जिंकले असून एकात पराभव पत्करावा लागला आहे.
