26.7 C
Latur
Friday, December 3, 2021
Homeआंतरराष्ट्रीयसीमेवर एस-४०० क्षेपणास्त्र लवकरच तैनात करणार

सीमेवर एस-४०० क्षेपणास्त्र लवकरच तैनात करणार

एकमत ऑनलाईन

नवी दिल्ली : भारत २०२२ पर्यंत उत्तर आणि पूर्व सीमेवर एस-४०० क्षेपणास्त्र प्रणालीच्या किमान दोन तुकड्या तैनात करण्याची तयारी करत आहे. आधुनिक क्षेपणास्त्र प्रणालीच्या माध्यमातून भारतीय लष्कर सीमेवर चिनी लष्कराच्या क्षमतेची बरोबरी करू शकणार आहे. पंतप्रधान नरेंद्र मोदी आणि रशियाचे राष्ट्राध्यक्ष व्लादिमीर पुतिन यांच्यातील वाटाघाटींमुळे भारताला अल्पावधीतच दोन एस-४०० क्षेपणास्त्र प्रणाली मिळण्याची शक्यता आहे. त्याचवेळी पुतीन ६ डिसेंबरला भारत दौ-यावर येत आहेत. यादरम्यान, ते पंतप्रधान मोदींची भेट घेणार आहेत.

भारताला एस-४०० प्रणालीचे प्रगत तंत्रज्ञान मिळण्यास सुरुवात झाली आहे. त्याचबरोबर खोलात जाऊन काम करू शकणारे रडारही पुढील महिन्यात देण्यात येणार आहेत. लडाख आणि अरुणाचल प्रदेशात प्रत्यक्ष नियंत्रण रेषेजवळ चिनी सैन्याने काही रशियन तंत्रज्ञानाने सुसज्ज क्षेपणास्त्र यंत्रणा तैनात केली आहेत. अशा स्थितीत भारत सीमेवरील लष्करी ताकदीचा समतोल साधू शकेल.

एका अहवालानुसार, दोन एस-४०० प्रणाली २०२२ च्या सुरुवातीस कार्यान्वित होतील. रशियात प्रशिक्षित भारतीय लष्कराच्या दोन तुकड्या एस-४०० प्रणाली चालवण्यासाठी सज्ज आहेत. विशेष म्हणजे ते शत्रूच्या प्रदेशात ४०० किमीपर्यंत मारा करू शकते. भारतीय भूमीवर र-४०० प्रणाली तैनात केल्यामुळे मोदी सरकारही चिनी क्षेपणास्त्र आणि हवाई दलाला प्रत्युत्तर देण्यासाठी सज्ज झाले आहे. उत्तरेत एक यंत्रणा तैनात केली जाईल, जी लडाखमध्ये दोन आघाड्यांवर काम करेल. कारण सखोल कार्य करणारे रडार भारताला लक्ष्य करून क्षेपणास्त्रे किंवा हल्ल्यांना प्रत्युत्तर देण्यासाठी सज्ज असतील, अशी माहिती दिली आहे.

भारत आणि चीनमध्ये एलओसीवर अनेक दिवसांपासून तणावाची परिस्थिती आहे. १५ जून २०२० रोजी भारतीय लष्करातील कर्नल संतोष बाबू यांनी त्यांच्या साथीदारांसह गलवानमध्ये चिनी सैन्याला चोख प्रत्युत्तर दिले. त्या घटनेपासून मोदी सरकार लडाखमधील एलएसीवरील लष्कराच्या त्रुटी दूर करण्यात मग्न होते. या क्रमात, पहिल्या चिनूक हेलिकॉप्टरच्या मदतीने, टी-९० रणगाड्यांचा समावेश करण्यात आला.

सारा बलाढ्य राफेल सैन्याचा एक भाग बनली. २९-३१ ऑगस्ट रोजी लष्करी कारवाई करत असताना पँगॉन्ग-त्सोच्या दक्षिणेकडील किना-यावर सैन्याने पाऊल ठेवले, तेव्हा भारतीय लष्कराच्या बाजूने आलेली प्रतिक्रिया सूचक होती.

चीनने केली सुपरसॉनिक क्षेपणास्त्राची चाचणी
भूतानच्या हद्दीत गावाची उभारणी करत भारत सीमेवर तणाव निर्माण करणा-या चीनने हायपरसॉनिक क्षेपणास्त्राची दुस-यांदा चाचणी केली. अण्वस्त्र डागण्यास सुपरसॉनिक क्षेपणास्त्र सक्षम असल्याचे सूत्राने सांगितले आहे. एवढेच नाही तर हे क्षेपणास्त्र पृथ्वीवरून कोणत्याही हवाई संरक्षण यंत्रणेला भेदू शकते. चीनच्या सुपरसॉनिक क्षेपणास्त्राला रोखण्याची क्षमता अमेरिकेसह कोणत्याच देशाकडे नसल्याचे सूत्रांचे म्हणणे आहे.

ताज्या बातम्या

आणखीन बातम्या

1,527FansLike
193FollowersFollow
SubscribersSubscribe

लोकप्रिय बातम्या