मुंबई : सन १९६२ च्या वेस्ट इंडिज दौ-यावर चार्ली ग्रिफिथच्या बाऊन्सरने पडल्यानंतर भारताचा माजी कर्णधार नरी कॉन्ट्रॅक्टरच्या डोक्यात ६० वर्षांपूर्वी घातलेली मेटल प्लेट अखेरीस वैद्यकीय सल्ल्यानुसार शस्त्रक्रियेद्वारे काढून टाकण्यात आली आहे.
मुंबईतील एका रुग्णालयात त्यांच्यावर शस्त्रक्रिया पार पडली. या मेटल प्लेटमुळे त्यांना बराच त्रास आणि वेदना होऊ लागल्या होत्या, त्यामुळे हा निर्णय घेण्यात आला. कॉन्ट्रॅक्टरचा मुलगा होशेदार याने याबाबत माहिती दिली. शस्त्रक्रियेनंतर नरी कॉन्ट्रॅक्टर यांची प्रकृती आता स्थिर आहेत. कॉन्ट्रॅक्टरांना मंगळवारी मुंबईतील रिलायन्स फाऊंडेशन रुग्णालयात दाखल करण्यात आले होते. बुधवारी त्यांच्यावर शस्त्रक्रिया पार पडली. १७ मार्च १९६२ रोजी बार्बाडोस विरुद्धच्या साईड गेममध्ये कॉन्ट्रॅक्टरला ग्रिफिथ बाउन्सरचा फटका बसला. या दुखापतीनंतर ज्यांची आंतरराष्ट्रीय कारकीर्द संपुष्टात आली.
८८ वर्षीय नरी यांनी १९५५ ते १९६२ या काळात भारताकडून ३१ कसोटी सामने खेळले. ग्रिफिथने बाऊन्सर वाईट रीतीने मारल्यामुळे कॉन्ट्रॅक्टरला अनेक ऑपरेशन्समधून जावे लागले. अखेरीस, १९६२ मध्ये, तमिळनाडूच्या वेल्लोर येथील ख्रिश्चन मेडिकल कॉलेजमध्ये त्यावेळचे प्रसिद्ध न्यूरोसर्जन डॉ. चंडी यांनी केलेल्या ऑपरेशनमध्ये टायटॅनियम प्लेट घातली गेली. डॉ. चंडीच्या प्रोत्साहनामुळे, कॉन्ट्रॅक्टरने नंतर प्रथम श्रेणीत उल्लेखनीय पुनरागमन केले. ते १९६२-६३ मध्ये क्रिकेट आणि १९७०-७१ पर्यंत गुजरात आणि पश्चिम विभागाकडून खेळले.
