22.2 C
Latur
Friday, September 30, 2022
Homeमहाराष्ट्रएकनाथ शिंदे हिंदू धर्माचे गौरव पुरुष

एकनाथ शिंदे हिंदू धर्माचे गौरव पुरुष

एकमत ऑनलाईन

  मुख्यमंत्र्यांच्या भेटीनंतर रामदेवबाबांची स्तुतिसुमने!

मुंबई : योगगुरू रामदेवबाबांनी सोमवारी उपमुख्यमंत्री देवेंद्र फडणवीस यांची भेट घेतल्यानंतर त्यावरून राज्याच्या राजकीय वर्तुळात चर्चा सुरू झाली आहे. या भेटीचे फोटो खुद्द देवेंद्र फडणवीसांनी आपल्या ट्विटर हँडलवर शेअर केले आहेत. त्यांच्या भेटीवरून तर्क-वितर्क सुरू झालेले असतानाच आता रामदेवबाबांनी मुख्यमंत्री एकनाथ शिंदे यांची भेट घेतली आहे.

या भेटीनंतर त्यांनी प्रसारमाध्यमांशी संवाद साधताना एकनाथ शिंदे हिंदू धर्माचे गौरव पुरुष आहेत असे म्हणत मुख्यमंत्र्यांवर स्तुतिसुमने उधळली आहेत. तसेच, रामदेवबाबांनी मुख्यमंत्र्यांना बाळासाहेब ठाकरेंचे मानस आध्यात्मिक आणि राष्ट्रीय उत्तराधिकारीदेखील म्हटल्यामुळे यावरून नव्याने राजकीय चर्चा सुरू होण्याची शक्यता आहे.

एकीकडे राज्यात आधीपासूनच खरी शिवसेना कुणाची? शिवसेनेचे निवडणूक चिन्ह असलेला धनुष्यबाण कुणाचा? यावरून दावे-प्रतिदावे सुरू आहेत. शिंदे गट आणि शिवसेना यांच्यातला हा वाद थेट सर्वोच्च न्यायालयापर्यंत पोहोचला आहे. त्यातच आता योगगुरू रामदेवबाबा यांनी एकनाथ शिंदेंना बाळासाहेब ठाकरेंचे राष्ट्रीय उत्तराधिकारी म्हटल्यामुळे या वादात अधिकच भर पडण्याची शक्यता आहे.

नेमकं काय म्हणाले रामदेवबाबा?
योगगुरू रामदेवबाबांनी आज मुख्यमंत्री एकनाथ शिंदेंची भेट घेतल्यानंतर माध्यमांशी बोलताना आम्ही मुख्यमंत्र्यांना आशीर्वाद आणि शुभेच्छा देण्यासाठी आलो होतो, असे सांगितले आहे. ‘‘मुख्यमंत्री एकनाथ शिंदे हिंदू धर्माचे, सनातन धर्माचे गौरव पुरुष आहेत. आपल्या राजधर्मासोबत ते आपल्या सनातन धर्म आणि ऋषीधर्माचे प्रामाणिकपणे पालन करत आहेत. त्यांना आशीर्वाद आणि शुभेच्छा देण्यासाठी आम्ही आलो होतो’’, असे रामदेवबाबा म्हणाले आहेत.

Stay Connected

1,567FansLike
188FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या