28.4 C
Latur
Sunday, November 27, 2022
Homeराष्ट्रीयऔरंगाबादमध्ये गॅस सिलिंडरचा स्फोट, ३० जण भाजले, १० गंभीर

औरंगाबादमध्ये गॅस सिलिंडरचा स्फोट, ३० जण भाजले, १० गंभीर

एकमत ऑनलाईन

छठ प्रसाद बनवताना झाली गॅस गळती
औरंगाबाद : बिहारमधील औरंगाबादमध्ये गॅस सिलिंडरचा स्फोट होऊन ७ पोलिसांसह ३० जण दगावले. यापैकी १० जणांची प्रकृती चिंताजनक आहे. शुक्रवारी रात्री अडीच वाजता ही घटना घडली. नगर पोलिस ठाण्याच्या हद्दीतील साहेबगंज परिसरातील प्रभाग क्रमांक २४ मधील अनिल गोस्वामी यांच्या घरी छठ पूजा सुरू होती.

घरातील सर्व सदस्य प्रसाद बनवण्यात व्यस्त होते. त्यानंतर अचानक गॅस गळतीमुळे आग लागली. यानंतर परिसरात आरडाओरड झाली आणि परिसरातील नागरिकांनी आग विझविण्यास सुरुवात केली.

दरम्यान, गस्तीवर असलेले पोलिसांचे पथकही तेथे पोहोचले. आग विझविण्यासाठी पोलिसांनी सिलिंडरवर पाणी टाकताच त्याचा स्फोट झाला.
घराचे मालक अनिल गोस्वामी यांनी सांगितले की, आम्ही रात्री टेरेसवर होतो. माझी पत्नी छठ पूजेसाठी प्रसाद बनवत होती. आवाज आला की, गॅस गळती होत आहे. आम्ही खाली आलो तोपर्यंत आग लागलेली होती. काही वेळाने सिलिंडरचा अचानक मोठा स्फोट झाला.

जखमी मोहम्मद मुअज्जम यांनी सांगितले की, ते रात्रीची गस्त करत होते. तेव्हा त्यांना वॉर्ड क्रमांक २४ मध्ये आग लागल्याची माहिती मिळाली. ते लगेच त्या परिसराकडे निघाले. तेथे पोहोचलो तेव्हा आग लागल्याचे दिसले. आग विझविण्याचा प्रयत्न करताच सिलिंडरचा जोरात स्फोट झाला. या अपघातात मोहम्मद मुअज्जम हे देखील गंभीर जखमी झाले आहेत. सर्व जखमींना औरंगाबादच्या रुग्णालयात उपचारासाठी दाखल करण्यात आले आहे.

या अपघातात ७ पोलिस जखमी
महिला कॉन्स्टेबल प्रीती कुमारी, डीएपी अखिलेश कुमार, जगलाल प्रसाद सैफ, जवान मुकुंद राव जगलाल प्रसाद, ड्रायव्हर मोहम्मद मुअज्जम, साहेबगंज परिसरातील नगर परिषद अध्यक्षपदाचे उमेदवार अनिल ओडिया, राजीव कुमार, शबदीर, अस्लम, सुदर्शन, एरियन गोस्वामी, छोटू आलम, अनिल कुमार, शाहनवाज यांच्यासह ३० हून अधिक लोक जखमी झाले. यातील सुमारे १० जणांची प्रकृती गंभीर असल्याचे सांगण्यात येत आहे.

१० जणांना हायर सेंटरमध्ये रेफर करण्यात आले
या घटनेनंतर सदर रुग्णालयात दाखल झालेल्या लोकांवर डॉक्टरांनी उपचार केले. यानंतर रुग्णाची गंभीर स्थिती पाहून लोकांनी परिस्थितीनुसार रुग्णांना जवळच्या खासगी रुग्णालयात दाखल केले. त्याचवेळी, १० जखमींना सदर रुग्णालयाच्या डॉक्टरांनी गंभीर अवस्थेत रेफर केले. उर्वरित जखमींवर सदर रुग्णालयात उपचार सुरू आहेत.

त्याच शहर पोलिस ठाण्याचे एसआय विनय कुमार सिंह यांनी सांगितले की, आगीची माहिती परिसरातील रहिवाशांकडून मिळाली. माहिती मिळताच सुरक्षा पथकांनी आग विझविण्यास सुरुवात केली. घरमालक अनिल गोस्वामी सांगतात की, आग गॅसच्या स्फोटामुळे लागली. सध्या पोलिस या प्रकरणाचा तपास करत आहेत.

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या