24.2 C
Latur
Thursday, July 7, 2022
Homeदेशात २४ तासांत ६,३७८ नवे रुग्ण, मृत्यू १४४

देशात २४ तासांत ६,३७८ नवे रुग्ण, मृत्यू १४४

एकमत ऑनलाईन

नवी दिल्ली: वृत्तसंस्था
गेल्या २४ तासांमध्ये भारतात ६,३७८ नव्या कोरोनाबाधित रुग्णांची नोंद झाली. आतापर्यंत एका दिवसात झालेली ही सर्वात मोठी वाढ आहे. गेल्या काही दिवसांमध्ये आतापर्यंत एका दिवसात झालेली ही पाचवी मोठी वाढ असून देशात एकून रुग्णांची संख्या १ लाख २९ हजार ५३९ वर पोहोचली आहे. पाच दिवसांपूर्वी ही संख्या १ लाखांवर पोहोचली होती.

तसेच, गेल्या २४ तासांमध्ये देशभरात एकूण १४४ रुग्णांचा मृत्यू झाला आहे. गेल्या सलग सात दिवसात देशात दररोज १३० हून अधिक लोकांचा करोनाने बळी जात आहे. देशात एकूण मृत्युमुखी पडलेल्या करोनाबाधित रुग्णांची संख्या पोहोचली आहे ३,८७० वर.

Read More  सरकारी रुग्णालयाची अवस्था अंधार कोठडीपेक्षाही भयंकर!

कोरोनाबाधितांची सर्वाधिक संख्या असलेल्या महाराष्ट्रात शुक्रवारी २,९४० रुग्णांची नोंद झाली. मात्र दुस-याच दिवशी शनिवारी त्यात काहीशी घट होत ती २,६०८ वर आली. असे असले तरी देशात शनिवारी रुग्णसंख्येत मोठी वाढ नोंदवली गेली. देशात कर्नाटक आणि उत्तराखंडमध्ये तुलनेने स्थिती चांगली आहे. कर्नाटकात गेल्या २४ तासांमध्ये २१६ नव्या रुग्णांची नोंद झाली असून, उत्तराखंडात ९२ नवे रुग्ण आढळले आहेत. या बरोबरच तामिळनाडूत ७५९, दिल्लीत ५९१, मध्य प्रदेशात २८२, राजस्थानात २४८, उत्तर प्रदेशात २८२ आणि बिहारमध्ये २२८ नव्या रुग्णांची नोंद झाली आहे.

शनिवारी देशातील एकूण २७ राज्यांमध्ये कोरोनाचे नवे रुग्ण आढळले आहेत. यात सिक्कीमचाही समावेश झाला असून, सिक्कीममध्ये काल करोनाचा पहिला रुग्ण आढळला. आठवड्याच्या सर्व दिवसांमध्ये महाराष्ट्रात २००० हून अधिक नवे रुग्ण आढळत आहेत. शनिवारीही २,६०८ नवे रुग्ण आढळले. महाराष्ट्रात एकूण रुग्णांची संख्या ४७,१९० असून मुंबईत २८,६३४ इतकी रुग्णसंख्या आहे. महाराष्ट्रात शनिवारी एकूण ६० रुग्णांचा मृत्यू झाला. महाराष्ट्रात शनिवारी एकूण १,५७७ रुग्णांचा मृत्यू नोंदवला गेला आहे.

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या