पुणे : जिल्ह्यातील कसबा आणि पिंपरी -चिंचवड विधानसभा मतदार संघातील पोटनिवडणूक बिनविरोध करण्यासाठी सर्व राजकीय पक्षांना विनंती करण्यात आली होती पण केवळ मनसे कडून सकारा३त्मक प्रतिसाद मिळाला .दोन्ही मतदार संघातील निवडणुका महायुती जिकणार असा विश्वास भारतीय जनता पक्षाचे प्रदेशाध्यक्ष चंद्रशेखर बाबनकुळे यांनी पत्रकारांशी बोलताना व्यक्त केला . महायुतीमधील घटक पक्षांची संयुक्त बैठक झाली त्यानंतर ते पत्रकार परिषदेत बोलत होते .
प्रचाराचे नियोजन ,रणनीती ,त्याचप्रमाणे प्रत्येक मतदारापर्यंत पोहोचण्यासाठी योजना याबाबत बैठकीत चर्चा करण्यात आली असे नमूद करून ते म्हणाले,कार्यकर्त्याच्या एकत्रित प्रयत्नामुळे विजय संपादन करणे शक्य होणार आहे . सर्व पक्षाच्या बरोबर मनसेला विनंती केली होती त्यांनी सकारात्मक प्रतिसाद दिला आहे त्याचप्रमाणे मनसे अध्यक्ष राज ठाकरे यांची जाहीर सभा घेण्याबाबत प्रयत्न आहेत राज्याचे उपमुख्यमंत्री देवेन्द्र फडणवीस यांनी पहाटेच्या शपथविधी बाबत विधाने केली आहे.
त्याकडे त्यांचे लक्ष वेधले असता ते म्हणाले ,ते खुर्चीसाठी कधीही असत्य बोलत नाही त्यांच्यावर संस्कार आहेत आणि आजही राज्यातील शासन जनतेच्या आधारावर उभे आहे महाविकास आघाडीच्या कार्यकाळात नवीन उद्योगाबाबत एकही बैठक झाली नाही असे त्यांनी नमूद केले .
खासदार संजय राऊत यांच्या विधांनाबाबत विचारता ते म्हणाले त्यांचे विधान गांभीर्याने घेण्याची गरज नाही .विरोधक जनतेला गोंधळात टाकण्याचा प्रयत्न करीत आहेत पण त्याचा काही परिणाम होणार नाही असे एका प्रश्नाला उत्तर देताना सांगितले.
जिल्ह्यातील पोटनिवडणुकीच्या प्रचारात आता वेग येतो आहे ,पदयात्राच्या अथवा सभांच्या माध्यमातून आरोप -प्रत्यारोप त्याचप्रमाणे परस्परावर टीका टिप्पणी करण्यात येते आहे त्यामुळे प्रचारात रंग भरू लागला आहे .जिल्ह्यातील कसबा आणि पिंपरी -चिंचवड विधानसभा मतदार संघातील पोटनिवडणूकीसाठी येत्या दि २६ रोजी मतदान होत आहे .राज्य आणि केंद्रीय स्तरावरील नेत्यांच्या जाहीर सभांचे आयोजन आणि त्याचबरोबर कार्यकर्त्यांचे मेळावे याचे नियोजन करण्यात येत आहेत कारण आता प्रचारासाठी केवळ दहा दिवसांचा कालावधी उरला आहे .हे लक्षात घेता अधिकाधिक मतदारापर्यंत पोहोचण्याचा उमेदवारांचा प्रयत्न आहे .त्या त्या भागातील प्रलंबित समस्याची मांडणी करण्याबरोबर त्यावरची संभाव्य उपाययोजना कशा प्रकारे करता येणार यावर देखील उमेदवार भर देताना दिसत आहेत .
सर्वसाधारणपणाने पोटनिवडणुकीत मतदनाची टक्केवारी तुलनेत कमी असते मात्र आगामी दीड वर्षाच्या कालावधीत पुन्हा निवडणुकांना सामोरे जावे लागणार आहे त्यामुळे ही पोटनिवडणूक म्हणजे एका अर्थाने रंगीत तालीम असणार आहे .कारण अजून महानगर पालिकांच्या निवडणुकीचा त्यानंतर लोकसभा आणि नंतर होर्णाया विधानसभा निवडणुका पाहता या पोट निवडणुकांना एक वेगळे महत्व प्राप्त झाले आहे . त्यामुळे या निवडणुकीत मतदानाची टक्केवारी वाढविण्यावर अधिक भर दिला जाईल असे वाटते .तसेच या पोटनिवडणुकीसाठी शासकीय स्तरावर देखील तयारी करण्यात येत आहे .मतदान केंद्राची पाहणी ,मतदानासाठी यंत्रणा ,त्यासाठीचे आवश्यक असणारे प्रशिक्षण यावर भर दिला जातो आहे .
दरम्यान राष्ट्रीय समाज पक्षाचे अध्यक्ष महादेव जानकर यांनी येथे पत्रकार परिषदेत बोलताना सांगितले की, कसबा आणि पिंपरी -चिंचवड निवडणुकीमध्ये आमचा पक्ष भाजपा बरोबर असणार आहे .मात्र त्यानंतरच्या युतीबाबत कोणतीही चर्चा झाली नाही. स्थानिक स्वराज्य संस्थाच्या आगामी काळातील निवडणुका स्वबळावर लढविण्याचा विचार आहे असे त्यांनी सांगितले.
