20.3 C
Latur
Sunday, December 4, 2022
Homeमहाराष्ट्रमुंबई महामार्गाची ८ दिवसांत दुरुस्ती करा

मुंबई महामार्गाची ८ दिवसांत दुरुस्ती करा

एकमत ऑनलाईन

नाशिक : मुंबई-आग्रा महामार्गावरील खड्ड्यांची डागडुजी व दुरुस्तीची कामे आठ दिवसांत पूर्ण करण्याचे निर्देश पालकमंत्री दादा भुसे यांनी सोमवारी दिले आहेत.

शासकीय विश्रामगृहात महापालिका आयुक्त डॉ. चंद्रकांत पुलकुंडवार, राष्ट्रीय महामार्गाचे प्रकल्प संचालक भाऊसाहेब साळुंखे, तांत्रिक प्रबंधक नितीन पाटील यांच्यासमवेत भुसे यांची बैठक झाली.

पालकमंत्री भुसे म्हणाले, की मुंबई-आग्रा महामार्गावर खड्डे पडल्याने प्रवाशांना व वाहनांना मोठ्या अडचणींचा सामना करावा लागत आहे. खड्डे तातडीने भरून रस्ता वाहतुकीसाठी सुरळीत करावा. जनभावना तीव्र असून, टोल बंदची मागणी नागरिक करू लागले आहेत. त्यामुळे भविष्यात उद्भवणा-या परिणामांची सर्वस्वी जबाबदारी राष्ट्रीय महामार्ग प्रशासनाची राहील.

नाशिक जिल्ह्यातून जाणा-या मुंबई-आग्रा राष्ट्रीय महामार्गावरील अपघात क्षेत्रांचे सर्वेक्षण करून त्यासाठी उपाययोजना करण्यात याव्यात. आवश्यक त्या ठिकाणी सर्व्हिस रोड, उड्डाणपूल यांचाही प्रस्ताव तातडीने करण्यासंदर्भात संबंधित अधिका-यांना सूचना या वेळी देण्यात आल्या. नाशिक शहरातून जाणा-या महामार्गाचीही डागडुजी व दुरुस्ती तातडीने करण्यासंदर्भात सूचना या वेळी देण्यात आल्या.

नाशिक महापालिकेच्या कार्यक्षेत्रातील सर्व रस्त्यांची तातडीने दुरुस्ती करावी. ज्या अधिका-यांच्या कार्यक्षेत्रात डागडुजी व दुरुस्तीची कामे पूर्ण होणार नाहीत, अशा अधिका-यांवर तत्काळ प्रशासकीय कारवाई प्रस्तावित करण्याच्या सूचना महापालिका आयुक्तांना देण्यात आल्या. आठ दिवसांत डागडुजी व दुरुस्तीची कामे मोठ्या प्रमाणात कामे पूर्णत्वास येतील याची दक्षता सर्व यंत्रणांनी घ्यावी, असेही पालकमंत्री भुसे यांनी या वेळी सांगितले.

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या