24.7 C
Latur
Thursday, July 7, 2022
Homeसदानंद गौडा वादाच्या भोव-यात

सदानंद गौडा वादाच्या भोव-यात

एकमत ऑनलाईन

बेंगळुरू: वृत्तसंस्था
नवी दिल्लीहून विमानाने सोमवारी येथे परतल्यानंरही केंद्रीय मंत्री सदानंद गौडा क्वारंटाइन न झाल्यामुळे त्यांच्याविरोधात चौफेर टीका होत आहे. औषध निर्माण मंत्रालय या अत्यावश्यक विभागाचे मंत्री असल्यामुळे मला या नियमांतून सवलत आहे, असा खुलासा गौडा यांनी केला आहे.

राज्य सरकारनेही गौडा यांचे समर्थन केले आहे. केंद्र सरकारने प्रसिद्ध केलेल्या सूचीत अत्यावश्यक विभाग हाताळणाºया व्यक्तींना सवलत देण्यात आली आहे, या गौडांच्या दाव्याला राज्य सरकारने दुजोरा दिला. गौडा बेंगळुरू उत्तर मतदारसंघाचे खासदार आहेत. ते सोमवारी सकाळी नवी दिल्लीहून विमानाने बेंगळुरूला परतले. विमानतळावर उतरल्यानंतर संस्थात्मक क्वारंटाईन होण्याऐवजी ते सरकारी वाहनातून रवाना झाले. यानंतर अनेकांनी समाजमाध्यमांमध्ये गौडा यांच्या या कृतीवर जोरदार टीका केली. नियम फक्त सामान्यांसाठी असतात, व्हीव्हीआयपींसाठी नसतात, हे यातून अधोरेखित झाल्याची टीका समाजमाध्यमांत झाली.

Read More  दारुनंतर तंबाखू-बीडीसाठीही नागरिकांच्या लांबच लांब रांगा!

मात्र, आपण अत्यावश्यक विभागाचे मंत्री असल्यामुळे आपल्याला सवलत असल्याचे गौडा यांनी सांगितले. राज्य सरकारचे प्रवक्ते एस. सुरेशकुमार यांनीही गौडा यांचे म्हणणे योग्य असल्याचे सांगितले.

नियम काय म्हणतो?
महाराष्ट्र, तमिळनाडू, गुजरात, दिल्ली, राजस्थान, मध्यप्रदेश या राज्यांतून कर्नाटकात येणा-यांना सात दिवस संस्थात्मक क्वारंटाइन व्हावे लागते. मी सवलतप्राप्त व्यक्तींच्या यादीत आहे. माझ्या मोबाइलवरील आरोग्यसेतू अ‍ॅपवरही मी सुरक्षित असल्याचे दिसत आहे. मी अत्यंत जबाबदार पद्धतीने सर्व कृती करीत आहे. आम्ही मनमानी केल्यास मोदीही आम्हाला माफ करीत नाहीत, असेही गौडा म्हणाले़

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या