24.4 C
Latur
Sunday, October 2, 2022
Homeमहाराष्ट्रशिंदे गटाला केंद्रातही मंत्रिपद मिळणार?

शिंदे गटाला केंद्रातही मंत्रिपद मिळणार?

एकमत ऑनलाईन

मुंबई : बंडखोरीनंतर राज्याचे मुख्यमंत्री पदाची माळ गळ्यात पडल्यानंतर आता शिंदे गटाला आणखी एक लॉटरी लागण्याची शक्यता असून, केंद्रामध्ये शिंदे गटाला केंद्रातही कॅबिनेट मंत्रिपद मिळण्याची शक्यता आहे. यासाठी प्रतापराव जधवांच्या नावाची चर्चा आहे.

नुकताच राज्यात मंत्रिमंडळ विस्तार करण्यात आला आहे. यात शिंदे गटाकडून नऊ आणि भाजपकडून नऊ अशा १८ मंत्र्यांनी शपथ घेतली आहे. त्यानंतर आता शिंदे गटाला केंद्रातही कॅबिनेट मंत्रपद देण्यात येणार असल्याची शक्यता वर्तवली जात आहे. एवढेच नव्हे तर, या पदासाठी प्रतापराव जाधव यांच्या नावाची चर्चा सुरू आहे.

शिवसेनाच्या आमदारांनी केलेल्या बंडखोरीनंतर सेनेच्या १८ पैकी १२ खासदारांनीदेखील शिंदे गटाची साथ पकडली आहे. त्यांच्या या भूमिकेनंतर याबाबतची चर्चा सुरू होती या भूमिकेसाठी नेमके काय बक्षीस दिले जाईल आणि मंत्रीपद दिले जाईल का? त्यात नुकतीच नितीश कुमार यांनी भाजपची साथ सोडली आहे. त्यामुळे राष्ट्रीय पातळीवरसुद्धा एनडीएचा सर्वात मोठा घटक पक्ष शिंदे गट उरला असून, त्यांचे १२ खासदार आहेत.

त्यामुळे आता चर्चा अशी सुरू झाली आहे की, हिवाळी अधिवेशनापूर्वी शिंदे गटाला एखादे कॅबिनेट मंत्रिपद केंद्रातदेखील मिळू शकते. यासाठी शिंदे गटाकडून बुलढाण्याचे ज्येष्ठ खासदार प्रतापराव जाधव यांचे नाव यासाठी चर्चेमध्ये असून, एखादं राज्यमंत्री पद किंवा राष्ट्रीय पातळीवर एखाद्या कमिटीचं अध्यक्षपद हे देखील शिंदे गटाला दिले जाण्याची शक्यता आहे.

Stay Connected

1,567FansLike
188FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या