पाटन : गुजरात दहशतवादविरोधी पथकाने जैश-ए-मोहम्मद दहशतवादी मॉड्यूलशी संबंधित ५ संशयित दहशतवाद्यांना अटक केली आहे. या सर्वांना पाटन जिल्ह्यातील सिद्धपूर तालुक्याच्या खाडियाल गावातून पकडण्यात आले.
अटक करण्यात आलेल्या आरोपींची ओळख बिलाल आबिदभाई शेरा, मोहम्मद अयुब कादीवाला, मोहम्मद पालनपुरी उर्फ खाली अयुब सुनसारा, शफिया रईस मुख्ती आणि मोहम्मद हसन कार्डिया अशी झाली आहे. त्यांना मेहसाणा जिल्ह्यातील कढी शहरात न्यायिक दंडाधिकारी आर.एम. भाटिया यांच्यासमोर हजर करण्यात आले, जिथून त्यांना २४ जुलैपर्यंत एटीएसच्या ताब्यात पाठवण्यात आले. यापूर्वी ३ जुलै रोजी जैशशी संबंधित ८ संशयितांना पकडण्यात आले होते. त्यांच्या चौकशीनंतर या नावांचा खुलासा झाला.
सरकारी वकील पीआर दंतनी यांनी सांगितले की, एटीएसने न्यायालयाला माहिती दिली की आरोपींपैकी एकाने टाइम बॉम्ब बनवण्याचा प्रयत्न केला होता. मात्र, त्यांचा हा प्रयत्न अयशस्वी ठरला. पोलिसांना अजून बॉम्ब बनवण्याचे साहित्य आणि उर्दूमध्ये लिहिलेले जैश-ए-मोहम्मदचे साहित्य जप्त करायचे आहे. दंतनी यांच्या मते, एटीएसला हे शोधायचे आहे की बॉम्ब बनवण्याचे साहित्य कुठून आणले गेले आणि ते कुठे लपवले होते. तसेच, जिहादी पुस्तके कुठून मिळाली. ती कुठे ठेवली आहेत.
