29.2 C
Latur
Friday, May 7, 2021
Homeहिंगोलीहिंगोली जिल्ह्यात कोरोनाचे १०९ नवे रूग्ण; एकाचा मृत्यू

हिंगोली जिल्ह्यात कोरोनाचे १०९ नवे रूग्ण; एकाचा मृत्यू

एकमत ऑनलाईन

हिंगोली : जिल्ह्यात १०९ नवीन कोविड- १९ रुग्णांचा अहवाल पॉझिटिव्ह आल्याची माहिती जिल्हा शल्य चिकित्सक डॉ. राजेंद्र सुर्यवंशी यांनी आज दिली आहे. मंगळवारी (दि.२३) प्राप्त झालेल्या अहवालानुसार रॅपीड अँटीजन टेस्टद्वारे हिंगोली परिसर २८ व्यक्ती, कळमनुरी परिसर ११ व्यक्ती, वसमत परिसर १९ व्यक्ती, औंढा परिसर ५ व्यक्ती व सेनगाव परिसर ४ व्यक्ती तर आरटीपीसीआरद्वारे हिंगोली परिसर २९ व्यक्ती, वसमत परिसर ३ व्यक्ती व कळमनुरी परिसर १० व्यक्ती असे एकूण १०९ कोविड-१९ पॉझिटिव्ह आढळून आले आहेत. तर आज ९० कोविड-१९ रुग्ण बरे झाल्याने त्यांना डिस्चार्ज देण्यात आला आहे.

तर आज एका कोरोनाबाधित रुग्णांचा मृत्यू झाला आहे. सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या कोविड-१९ रुग्णांपैकी ४५ रुग्णांची प्रकृती गंभीर असल्याने त्यांना ऑक्सीजन चालू आहे. तर ५ कोविड-१९ रुग्णांची प्रकृती अतिगंभीर असल्यामुळे त्यांना बायपॅप मशीनवर ठेवण्यात आले आहे. अशाप्रकारे आज रोजी एकूण ५० रुग्णांची प्रकृती चिंताजनक असून तज्ञ डॉक्टरामार्फत त्यांच्यावर उपचार सुरु आहेत.

जिल्ह्यात आजपर्यंत कोविड- १९ चे एकूण ५ हजार ४९८ रुग्ण झाले असून, त्यापैकी ४ हजार ९३४ रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण ४८९ रुग्णांवर उपचार सुरु आहेत. तसेच कोविड-१९ मुळे जिल्ह्यात आतापर्यंत ७५ व्यक्तींचा मृत्यू झाला असल्याचे जिल्हा शल्यचिकित्सक डॉ. राजेंद्र सुर्यवंशी यांनी कळविले आहे.

हिंगोली जिल्ह्यात अवकाळीचा रब्बीसह फळबागांना फटका

ताज्या बातम्या

आणखीन बातम्या

1,493FansLike
183FollowersFollow
SubscribersSubscribe

लोकप्रिय बातम्या