वाशिंग्टन: अमेरिकेसह जगाच्या अतोनात नुकसानाला चीन जबाबदार आहे, असे वक्तव्य आता अमेरिकेचे राष्ट्राध्यक्ष डोनाल्ड ट्रम्प यांनी केले आहे़ याचे कारण अर्थातच कोरोना आहे. कोरोनामुळे अनेक देशांची आर्थिक घडी आणि गणित विस्कटले आहे. चायना व्हायरस असे नाव डोनाल्ड ट्रम्प यांनी कोरोना व्हायरसला दिले आहे़ याआधीही त्यांनी चीनवर या व्हायरसवरुन आरोप केले आहेत. आता तर अमेरिकेसह जगात जे काही नुकसान होत आहे़ त्याला चीन जबाबदार असल्याचा आरोप ट्रम्प यांनी केला आहे.
डोनाल्ड ट्रम्प यांनी त्यांच्या आॅफिशियल ट्विटर अकाऊंटवरुन हे ट्विट केले असून, अमेरिकेसह जगभरात जे काही अतोनात नुकसान होत आहे, त्याला चीनच जबाबदार असल्याचे म्हटले आहे़ कोरोना व्हायरसचा प्रादुर्भाव होऊ लागला होता़ तेव्हा डोनाल्ड ट्रम्प यांनी सुरुवातील ते गांभीर्याने घेतले नाही. तसेच, त्यांनी या व्हायरसला वुहान व्हायरस, चायना व्हायरस अशीही नावे दिली. मात्र सध्याच्या घडीला कोरोनाच्या सगळ्यात जास्त केसेस या अमेरिकेत आहेत.
जगातील परिस्थिती नियत्रंणाबाहेरच
आत्तापर्यंत कोरोनाची लागण होऊन १ लाख ३० हजार लोकांचा मृत्यू झाला आहे. कोरोना अमेरिकेत नियंत्रणात आहे अशी घोषणा ट्रम्प यांनी केली होती. मात्र वास्तव हेच आहे की परिस्थिती नियंत्रणात नाही. अमेरिका, भारत यांच्यासह जगातल्या प्रमुख देशांना या रोगाचा फटका बसला आहे. त्यामुळे आता डोनाल्ड ट्रम्प यांचे नवे वक्तव्य समोर आले आहे. ज्यामध्ये अमेरिकेसह सगळ्या जगाच्या नुकसानाला चीन जबाबदार आहे, असे त्यांनी म्हटले आहे.
Read More अमेरिका, ब्रिटनचे सैन्य आशिया खंडात?