19.6 C
Latur
Tuesday, February 7, 2023
Homeलातूरस्वस्त धान्य दुकानातून शेतक-यांचे धान्य बंद

स्वस्त धान्य दुकानातून शेतक-यांचे धान्य बंद

एकमत ऑनलाईन

शिरुर अनंतपाळ : (शकील देशमुख) :
स्वस्त धान्य दुकानातून शेतक-यांना मिळणारे स्वस्त धान्य गेल्या तीन महिन्यापासून बंद झाल्याने गरजू शेतक-यांचे हाल होत आहेत. यामुळे तालुक्यातील २ हजार ९४९ लाभार्थी शेतक-यांची गैरसोय होत असून संसाराचा गाडा चालविणे कठीण झाले आहे. त्यामुळे शासनाने बंद केलेले स्वस्त धान्य पुन्हा सुरू करावे, अशी मागणी तालुक्यातील लाभार्थी शेतक-यांतून केली जात आहे.

राज्य शासनाने इ.स.२०१५ मध्ये दुष्काळाच्या पार्श्वभूमीवर चौदा जिल्ह्यातील दुष्काळग्रस्त शेतक-यांंना मदत व्हावी, यासाठी स्वस्तधान्य दुकानातून दोन रुपये किलोने गहू तर तीन रुपये किलोने तांदूळ देण्यास सुरुवात केली. त्यामुळे दुष्काळग्रस्त शेतक-यांना चांगला दिलासा मिळाला होता परंतु अचानक या शासनाने ही योजना बंद करून शेतक-यांच्या तोंडातील घास पळविला असून या निर्णयामुळे लाभार्थी शेतक-यांतून तीव्र संताप व्यक्त केला जात आहे. दरम्यान तालुक्यात अंत्योदय योजनेतील २ हजार ३३, प्राधान्य कुटूंब योजनेतील १२ हजार ७०४, एपीएल शेतकरी २ हजार ९४९ असे एकूण १७ हजार ६८६ शिधापत्रिकाधारक लाभार्थी आहेत.

यातील एपीएल शिधापत्रिका धारक २ हजार ९४९ लाभार्थी शेतक-यांचे जुलै, ऑगष्टमध्ये गहू बंद करण्यात आले तर सप्टेंबरनंतर तांदूळ ही बंद करण्यात आले असून ही योजना बंद झाल्याने जगाचा पोशिंंदा असलेल्या शेतक-यांवरच सवलतीच्या दरातील धान्यापासून वंचित राहण्याची वेळ आली आहे. गेल्या सहा वर्षांपासून तालुक्यातील शेतकरी ओल्या व कोरड्या दुष्काळाचा सामना करीत आहेत. त्यात यंदा संततधार, गोगलगाय प्रादुर्भाव,अतिवृष्टी व पुरामुळे खरीप हंगाम हातचे गेल्याने शेतकरी आर्थिक अडचणीत सापडला असताना स्वस्त धान्यापासून वंचित राहावे लागत असून शासनाने बंद केलेले स्वस्त धान्य पुन्हा सुरू करणे आवश्यक आहे

Stay Connected

1,567FansLike
186FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या