लातूर : राज्य निवडणूक आयोग, महाराष्ट्र यांच्या दि. ५ जूलै २०२२ रोजीच्या आदेशान्वये अन्वये दिलेल्या कार्यक्रमांनुसार लातूर जिल्ह्यातील जिल्हा परिषद व त्याअंतर्गत असलेल्या सर्व पंचायत समित्यांच्या सार्वत्रिक निवडणुका-२०२२ साठी आरक्षण सोडतीचा कार्यक्रम निश्चित केला आहे. सदरील कार्यक्रमानुसार जिल्हा परिषदेची आरक्षण सोडत डी.पी.डी.सी.हॉल, नविन जिल्हाधिकारी कार्यालय, लातूर येथे दि. १३ जूलै २०२२ रोजी दुपारी १२ वाजता काढण्यात येणार आहे.
पंचायत समिती रेणापूर, अहमदपूर, उदगीर, निलंगा, शिरुरअनंतपाळ, जळकोट व देवणी करीता आरक्षण सोडत संबंधित तहसिल कार्यालयामध्ये दि. १३ जूलै रोजी दुपारी १२ वाजता (निलंगा साठी दुपारी २ वा. व देवणीसाठी सकाळी ११ वा) काढण्यांत येणार आहे. त्याचप्रमाणे पंचायत समिती लातूर करीता जुने डी.पी.डी.सी.सभागृह, प्रशासकीय इमारत, शिवाजी चौकाजवळ, लातूर येथे, पंचायत समिती औसा करीता मध्यवर्ती प्रशासकीय इमारतीमधील मिटींग हॉल, औसा येथे, पंचायत समिती चाकूर करीता पंचायत समिती सभागृह, चाकूर येथे दि. १३ जूलै रोजी दुपारी १२ वाजता आरक्षण सोडत काढण्यात येणार आहे.
जिल्हा परिषद व पंचायत समितीकरीता आरक्षणाचे प्रारुप प्रसिध्द करावयाचा दि. १५ जूलै असा असून त्यावर हरकती व सुचना जिल्हाधिकारी, संबंधित तहसीलदार यांच्याकडे दि. १५ ते २१ जूलै या कालावधीत दाखल करता येतील. जिल्हा परिषद अथवा पंचायत समितीतील ज्या रहिवाशांची आरक्षण सोडतीच्या सभेस हजर राहण्याची इच्छा आहे, त्यांनी वरील ठिकाणी व वेळी हजर राहावे, असे आवाहन जिल्हाधिकारी पृथ्वीराज बी. पी. यांनी एका प्रसिध्दी पत्रकाव्दारे कळविले आहे.
