लातूर : प्रतिनिधी
भारतीय जनता पार्टीचे जिल्हाध्यक्ष तथा विधान परिषदेचे सदस्य आमदार रमेश कराड यांच्या जन्मदिवसानिमित्त आज दि. ३० मे रोजी लातूर ग्रामीण मतदार संघातील अनेक गावागावत ग्रामदेवतांना महाअभिषेक, रक्तदान शिबीर, पेढेतुला, कुस्तीस्पर्धा, यासह विविध कार्यक्रमाचे आयोजन करण्यात आले आहे. आमदार रमेश कराड यांच्या जन्मदिवसानिमित्त आज सकाळी ९ वाजता रेणापूर येथील ग्रामदेवता आदिशक्ती श्री.रेणूकादेवी मंदिरात आमदार रमेश कराड यांच्या शुभहस्ते अभिषेक आणि आरती करण्यात येणार असून त्यानंतर मंदिरात भाजपाचे लातूर ग्रामीण विधानसभा अध्यक्ष अनिल भिसे यांच्या वतीने आमदार कराड यांचा पेढेतुला कार्यक्रम आयोजित करण्यात आला आहे.
रेणापूर येथील विविध कार्यालयात कार्यरत असलेल्या सफाई कामगारांचा याप्रसंगी सत्कार करण्यात येणार आहे. आमदार रमेश कराड यांच्या जन्मदिनानिमित्त संयोजन समितीच्या वतीने सकाळी ११ वाजता अभिष्ठचिंतन सोहळयाचे आयोजन करण्यात आले आहे. या सोहळयाला भाजपाचे लोकप्रतिनिधी, पदाधिकारी आणि मित्रपरिवारांनी ‘संवाद’ या आमदार कराड यांच्या लातूर येथील अंबाजोगाई रोड वरील असलेल्या नवीन संपर्क कार्यालयात आवर्जून उपस्थित रहावे, असे आवाहन संयोजन समितीच्या वतीने अनिल भिसे, बन्सी भिसे, अ‍ॅड.दशरथ सरवदे, हणमंतबापू नागटिळक, पद्माकर चिंचोलकर आणि राजकिरण साठे यांनी केले आहे.
यशवंतराव चव्हाण ग्रामीण रुग्णालय येथे सकाळी ९ वा. श्रीमती सरस्वती कराड रक्त पेढीच्या वतीने रक्तदान शिबीराचे आयोजन करण्यात आले आहे तर दुपारी ३ वाजता लातूर तालुक्यातील मौजे नांदगाव येथे पवनपुत्र हनुमान मैदानी कुस्तीस्पर्धेचे आयोजन ऋ षीकेश कराड मित्रमंडळाच्या वतीने करण्यात आले आहे. रेणापूर तालुक्यातील मौजे दर्जीबोरगाव येथील चिन्मयानंद स्वामी देवस्थान येथे अभिषेक, मौजे मोटेगाव येथील तात्यामहाराज मंदिरात महाआरती, मौजे शेरा येथील दावद मलिक बाबा दर्गाह येथे चादर चढवणे, मौजे दवणगाव येथील श्री दवणेश्वर मंदिरात अभिषक, पानगाव येथील भारतरत्न डॉ. बाबासाहेब आंबेडकर यांच्या अस्थीचे पुजन, मौजे कोष्टगाव येथील श्री. निळकंठेश्वर मंदिरात अभिषेक, खरोळा येथील श्री दत्त मंदिर आणि गोंिवदनगर येथील श्री बालाजी मंदिर येथे महाआरतीचे आयोजन करण्यात आले आहे. लातूर तालुक्यातील मौजे सोनवती येथील खंडोबा मंदिरात अभिषेक, मुरूड अकोला येथे दर्गाहला चादर चढवणे, मुरुड येथील मुरुडेश्वर मंदिरात महापूजा, मौजे सारसा येथील गणेशनाथ देवस्थानात महाआरती, मौजे चिंचोली ब. येथील बल्लाळनाथ मंदिरात महापूजा, मौजे निळकंठ येथील श्री निळकंठेश्वर मंदिरात महापूजा आणि आरतीचे आयोजन करण्यात आले आहे.
तसेच औसा तालुक्यातील मौजे भादा येथे हरीहर मंदिर येथे अभिषेक, मौजे टाका येथील भिमाशंकर मंदिरात अभिषेक व साखर वाटप, मौजे शिवली येथील हनुमान मंदिरात महापूजा व केळीचे वाटप, मौजे काळमाथा येथील महादेव मंदिरात अभिषेक करण्यात येणार आहे. त्याचबरोबर लातूर ग्रामीण मतदार संघातील गावा गावातील भाजपाचे कार्यकर्ते ग्रामदेवतांची विधीवत महापुजा करुन आमदार रमेश कराड यांना दिर्घ आयुष्य लाभो यासाठी प्रार्थना करणार आहेत.
