23.8 C
Latur
Monday, August 15, 2022
Homeमहाराष्ट्रसर्व माहिती उच्च न्यायलयात देणार

सर्व माहिती उच्च न्यायलयात देणार

एकमत ऑनलाईन

मुंबई : शिवसेना नेते संजय राऊत यांनी ‘आएनएस विक्रांत’ बाबत केलेल्या आरोपानंतर माजी सैनिकाच्या तक्रारीवरून भाजप नेते आणि माजी खासदार किरीट सोमय्या आणि त्यांचे सुपुत्र नील सोमय्या यांच्याविरोधात मुंबई पोलिसात गुन्हा दाखल करण्यात आला आहे. हा गुन्हा दाखल झाल्यानंतर किरीट सोमय्या हे अज्ञातवासात गेले असल्याची चर्चा सुरू आहे. अशातच सोमय्या यांनी एक व्हिडिओ शेअर करत याप्रकरणी आपली बाजू मांडत राज्य सरकारला आव्हान दिले आहे.

डिसेंबर २०१३ मध्ये तत्कालीन काँग्रेस-राष्ट्रवादीच्या सरकारने ‘विक्रांत’ युद्धनौका ६० कोटी रुपयांना भंगारवाल्याला विकण्यासाठी काढली होती. त्यामुळे आम्ही या गोष्टीचा निषेध करत प्रतिकात्मकरित्या निधी जमा करण्याचा निर्णय घेतला होता आणि यामध्ये ११ हजार रुपये जमा झाले होते. मात्र आता १० वर्षांनंतर शिवसेना नेते संजय राऊत आरोप करत आहेत की आम्ही ५८ कोटी रुपये चोरून मुलाच्या कंपनीच्या माध्यमातून मनी लॉन्ड्रिंग केले. याआधीही मागच्या दोन महिन्यांमध्ये संजय राऊत यांनी माझ्यावर सात वेगवेगळे आरोप केले आहेत, परंतु यातील एकाही आरोपाचा पुरावा पोलिसांकडे नाही, असा दावा सोमय्या यांनी केला आहे.

मी झुकणार नाही
किरीट सोमय्या यांनी सोशल मीडियावर शेअर केलेल्या व्हिडिओतून पुन्हा एकदा ठाकरे सरकारला आव्हान दिले आहे. ठाकरे सरकारमधील घोटाळेबाज मंत्र्यावर शेवटची कारवाई होईपर्यंत मी झुकणार नाही आणि मागे हटणार नाही. माझ्यावर झालेल्या आरोपांप्रकरणी सर्व माहिती आम्ही उच्च न्यायलयात देणार आहोत, असे किरीट सोमय्या यांनी सांगितलं आहे.

Stay Connected

1,567FansLike
188FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या