27 C
Latur
Tuesday, July 5, 2022
Homeमहाराष्ट्रपुण्यात पावसामुळे झाडे कोसळून वाहनांचे नुकसान

पुण्यात पावसामुळे झाडे कोसळून वाहनांचे नुकसान

एकमत ऑनलाईन

पुणे : पावसाची चातकाप्रमाणे वाट पाहणा-या पुणेकरांना मान्सूनपूर्व वादळी पावसाने अस उकाड्यापासून दिलासा दिला.
पहिल्याच जोरदार पावसामुळे शहरातील विविध भागात ३० पेक्षा अधिक ठिकाणी झाडे आणि फांद्या पडण्याच्या घटना घडल्या. यात काही गाड्यांचे नुकसान झाले. काही भागातील वाहतूकदेखील विस्कळीत झाली होती.

अग्निशमन दलाच्या जवानांनी झाडे बाजूला काढल्यानंतर वाहतूक पूर्ववत झाली. दरम्यान, रस्त्यावर मोठ्या प्रमाणावर पाणी साचल्यामुळे वाहनचालकांची पुरती दमछाक झाली.

पहिल्याच मान्सूनपूर्व वादळी पावसाने शहराला चांगलेच झोडपून काढले. पर्वती येथील शाहू कॉलनी, पुणे स्टेशन येथील जीपीओ, पोलिस आयुक्तालयासमोर, भवानी पेठ बीएसएनएल कार्यालय, प्रभात रस्ता, औंध येथील डॉ. आंबेडकर चौक, गणेश खिंड रस्त्यावरील राजभवनाजवळ, गुरुवार पेठ पंचहौद, कोंढव्यात शिवनेरीनगर, एनआयबीएम रस्ता, कात्रज-कोंढवा रस्ता, नवी पेठ, राजेन्द्र नगर, पर्वती स्टेट बँक कॉलनी, स्वारगेट येथे एसटी कॉलनी, कोंढव्यात आनंदपुरा हॉस्पिटल या ठिकाणी झाडे पडल्याची नोंद अग्निशमन दलाकडे झाली.

पोलिस आयुक्तालयाच्या गेटजवळच एक झाड पडले होते. त्याच्याखाली काही दुचाकी अडकल्या. जीपीओ येथे एक मोठे झाड कोसळल्यामुळे दुचाकीचे नुकसान झाले आहे.तसेच सह्याद्री हॉस्पिटलच्या पाठीमागील सीमा भिंत दुचाकींवर कोसळल्याची घटना घडली. यामध्ये आठ ते दहा दुचाकी व एका चारचाकीचे नुकसान झाले.

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या