ठाणे : मुख्यमंत्री एकनाथ शिंदे यांनी पदभार स्वीकारण्याच्या अगोदर मंत्रालयात सत्यनारायणाची पूजा घातली होती. या पुजेविरोधात ठाणे न्यायालयात याचिका दाखल करण्यात आली आहे.
एकनाथ शिंदे यांनी ३० जूनला मुख्यमंत्रीपदाजी शपथ घेतली आणि ७ जुलैला सत्य नारायणाची पुजा करुन मुख्यंमंत्रीपदाचा पदभार स्विकारला. नवे सरकार स्थापन होऊन २९ दिवस झाले आहेत. दरम्यान, या पुजेविरोधात ठाणे न्यायालायत याचिका दाखल करण्यात आली आहे. शिंदे यांच्या दालनातील सत्यनारायण पुजा घटनेविरोधी असल्याचे याचिकेत म्हटले आहे. सामाजिक कार्यकर्ते धनाजी सुरोसेंची यांनी ही याचिका दाखल केली आहे. या याचिकेवर १ ऑगस्टला सुनावणी होणार आहे. यापूर्वी, मानवी हक्क कार्यकर्ते विकास शिंदे यांनी राज्यपालांना पत्र लिहीत मंत्रालयातील धार्मिक विधी बाबत राज्यपालांकडे तक्रार केली होती. तसेच राष्ट्रवादी संभाजी ब्रिगेडनेदेखील या विधीचा निषेधदेखील केला होता.
