34.7 C
Latur
Tuesday, March 9, 2021
Home महाराष्ट्र वातानुकूलित पीपीई किटचे यशस्वी संशोधन

वातानुकूलित पीपीई किटचे यशस्वी संशोधन

एकमत ऑनलाईन

सातारा : कराडच्या कृणा वैद्यकीय संशोधन संचालनालय व शासकीय अभियांत्रिकी महाविद्यालयाने पुनर्वापर करता येणारे वातानुकूलित पीपीई किटचे यशस्वी संशोधन केले आहे. कोरोनासह संसर्गजन्य आजारांवर उपचार करणा-या डॉक्टर कर्मचा-यांना नवीन पीपीई किट आरामदायी व सुरक्षित असल्याचे सिद्ध झाले असल्याची माहिती संयुक्त पत्रकार परिषदेत देण्यात आली. हा संसर्ग टाळण्यासाठी संबंधित आजारावर उपचार करताना डॉक्टर्ससह आरोग्य कर्मचा-यांनी पीपीई किट घालणे अनिवार्य आहे.

मात्र, असे पीपीई किट सलग ६-६ तास घालून सेवा देणे डॉक्टरांसाठी मोठे त्रासाचे ठरते. कारण पूर्णपणे पॅकबंद असलेल्या पीपीई किटमध्ये हवेचे योग्य संतुलन होत नसल्याने घामेजलेल्या अवस्थेत सेवासुश्रुषा करावी लागते. डॉक्टर्स व आरोग्य कर्मचा-यांची प्रचलित पीपीई किट वापरताना मोठी दमछाक होते, तसेच त्यांना मोठा त्रास सहन करावा लागतो.

हे उपकरण वजनाला हलके असून, हाताळण्यास सोपे आहे. त्यामुळे डॉक्टरांसह नर्सेस, वॉर्ड बॉय व अन्य आरोग्य कर्मचा-यांना हे उपकरण आरामदायी पद्धतीने वापरता येणार असून, विषाणूजन्य साथीच्या आजारांच्या काळात उपचार करताना हे उपकरण त्यांच्यासाठी महत्त्वपूर्ण ठरणार आहे, असे शासकीय अभियांत्रिकी महाविद्यालयाच्या निखील भिसे या संशोधक विद्यार्थ्याने सांगितले.

ताज्या बातम्या

आणखीन बातम्या

1,446FansLike
122FollowersFollow
SubscribersSubscribe

लोकप्रिय बातम्या