मलकापूर : दसरखेडनजीक तालसवाडा पुलाजवळ आयशरला भरधाव टिप्परने जोराची धडक दिल्याने झालेल्या भीषण अपघातात तिघांचा जागीच मृत्यू झाला. राष्ट्रीय महामार्ग क्रमांक-६ वर हा अपघात झाला.
राष्ट्रीय महामार्ग क्रमांक ६ वर तालसवाडाजवळ पुलावर टिप्पर व आयशरची झालेली ही धडक एवढी भीषण होती की, या धडकेत मोताळा तालुक्यातील मोहेगाव येथील ३ जण जागीच ठार झाले, तर एक जण गंभीर जखमी झाला असून त्याच्यावर रुग्णालयात उपचार सुरू आहेत.
