30.2 C
Latur
Wednesday, March 3, 2021
Home राष्ट्रीय भारतीय सैन्य सीमांचे रक्षण करण्यास सक्षम

भारतीय सैन्य सीमांचे रक्षण करण्यास सक्षम

एकमत ऑनलाईन

नवी दिल्ली : भारत देश उद्या (२६ जानेवारी) प्रजासत्ताक दिन साजरा करणार आहे. कोरोना संकटाच्या स्थितीत आणि चीन, पाक सीमेवरील तणावाच्या पार्श्वभूमीवर राष्ट्रपती रामनाथ कोविंद यांनी देशाला संबोधित केले. राष्ट्रपतींनी आपल्या संबोधनात विविध मुद्द्यांना स्पर्श केला. देशाचे भूदल, वायुदल आणि नौदल देशाची सुरक्षा करण्यास सक्षम आहेत असे सांगत त्यांनी चीनला इशारा दिला. तसेच देशाच्या आर्थिक आणि सांस्कृतिक मुद्द्यांवरही आपले महत्त्वपूर्ण मत व्यक्त केले.

प्रतिकूल नैसर्गिक परिस्थिती, नवनवी आव्हाने आणि कोविडची आपत्ती असूनही आपल्या शेतकरी बांधवांनी मोठ्या प्रमाणात शेती उत्पन्न घेतले आहे. भारत देश नेहमीच आपल्या शेतकºयांच्या कल्याणासाठी कटीबद्ध असेल. शेतकºयांप्रमाणे आपल्या जवानांचे शौर्य, देशभक्ती व त्याग याचाही आपल्याला अभिमान आहे. सियाचीन आणि गलवान खोºयात -५० ते -६० अंश सेल्सिअस तापमान असते. जैसलमेरमध्ये ५० अंशांपेक्षा अधिक उन्हात जवान उभे असतात. पण तरीही जवान भारताच्या सुरक्षेची सर्व जबाबदारी पार पाडतात. भारताने आपल्या सीमेवर काही देशाबाहेरील हालचालींचा सामना केला आहे. पण आपल्या शूर जवानांनी शेजारील देशांचे ते प्रयत्न हाणून पाडले. यावरून पुन्हा सांगू इच्छितो की लष्कर, हवाई दल आणि नौदल देशाची सुरक्षा करण्यास सक्षम आहेत, असा विश्वास व्यक्त करत राष्ट्रपतींनी चीनला इशारा दिला.

आपले राष्ट्रीय सण सर्व देशवासी राष्ट्रप्रेमाच्या भावनेने साजरे करतात. आपण प्रजासत्ताक दिनाचा राष्ट्रीय उत्सव देखील संपूर्ण उत्साहाने साजरा करतो. आपला राष्ट्रध्वज आणि संविधानाबद्दल सर्वजण आदर व्यक्त करतात. माझीदेखील तीच भावना आहे. आपल्या सशस्त्र सेना, निमलष्करी दल आणि पोलिस कर्मचारी हा सण साजरा करण्यासाठी आपल्या कुटुंबातील सदस्यांपासून बरेचदा दूर राहतात. मी त्या सर्व जवानांचे व इतर सेवेतील अधिकारी-कर्मचारी यांचे विशेष अभिनंदन करतो, असे राष्ट्रपती कोविंद म्हणाले.

घटनेच्या प्रस्तावनेत अधोरेखित केलेली न्याय, स्वातंत्र्य, समता आणि बंधुत्वाची मूल्ये आपल्या सर्वांसाठी पवित्र आदर्श आहेत. केवळ प्रशासनातील जबाबदार असणारे नागरिकच नाही तर सामान्य नागरिकांनी या आदर्शांचे दृढ आणि प्रामाणिकपणे पालन केले पाहिजे. कोविडबद्दलही आपली सामाजिक जबाबदारी पार पाडली जायला हवी. देशवासियांनी सर्व मार्गदर्शक सूचनांनुसार तुमच्या आरोग्याच्या हितासाठी कोरोनावरील लसीकरणाचा लाभ घेतला पाहिजे आणि ती लस घ्यायला हवी, असे आवाहन राष्ट्रपतींनी केले.

मुंडेसाहेबांची अपूर्ण लढाई लढणार; भाजप नेत्या पंकजा मुंडे यांचा एल्गार

ताज्या बातम्या

आणखीन बातम्या

1,438FansLike
122FollowersFollow
SubscribersSubscribe

लोकप्रिय बातम्या