22.2 C
Latur
Friday, August 19, 2022
Homeराष्ट्रीयराज्यात पावसाचा जोर वाढणार

राज्यात पावसाचा जोर वाढणार

एकमत ऑनलाईन

पुणे : राज्यात मॉन्सूनच्या पावसाची कोकणात जोरदार वेग धरला आहे. सोमवारी कोकणात जोरदार तर मध्य महाराष्ट्र, मराठवाडा आणि विदर्भात मेघगर्जनेसह पावसाचा अंदाज हवामानशास्त्र विभागाने वर्तवला आहे.

रविवार सकाळपर्यंतच्या २४ तासांमध्ये कोकणात तुरळक ठिकाणी अतिवृष्टी झाली. रत्नागिरीतील लांजा येथे सर्वाधिक २७५ मिलिमीटर, तर रत्नागिरी येथे २२२ पावसाची नोंद झाली आहे. मध्य महाराष्ट्र आणि मराठवाड्यात काही ठिकाणी मुसळधार पावसाची नोंद झाली.

मॉन्सूनची वाटचाल गेल्या काही दिवसांपासून थांबली होती. मात्र आता मॉन्सूनच्या प्रगतीसाठी वातावरण पोषक होत आहे. त्यामुळे मॉन्सून येत्या तीन ते चार दिवसांत संपूर्ण मध्य प्रदेश, बिहार, गुजरात, राजस्थान, उत्तर प्रदेश आदी भागात प्रगती करण्याची शक्यता आहे.

राज्यात मागील आठवड्यात सुरवातीला ब-याच ठिकाणी कमी अधिक पावसाने हजेरी लावली. त्यात गेल्या दोन दिवसांपासून पावसाचा जोर कमी झाला. मॉन्सूनने संपूर्ण महाराष्ट्र व्यापून आता दहा दिवसांचा कालावधी उलटला आहे. पण अद्याप राज्याच्या काही ठिकाणी पावसाने समाधानकारक हजेरी लावलेली नाही. यामध्ये प्रामुख्याने घाटमाथा आणि धरणांच्या पाणलोट क्षेत्रांचा समावेश आहे. राज्यात सरासरीपेक्षा कमी पावसाची नोंद झाली आहे.

हंगामातील स्थिती पाहता १ ते २६ जून या कालावधित राज्यात सरासरीपेक्षा सुमारे ३५ टक्के कमी पाऊस पडला. साधारणपणे या कालावधीत सरासरी १७०.८ मिलिमीटर इतका पाऊस पडतो. परंतु यंदा ११२.९ मिलिमीटर इतक्या पावसाची नोंद झाली आहे. त्यामुळे जोरदार पावसासाठी अजून प्रतिक्षा आहे.

Stay Connected

1,567FansLike
188FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या