24.4 C
Latur
Friday, July 1, 2022
Homeराष्ट्रीयकेंद्रीय कर्मचा-यांच्या महागाईत भत्त्यात वाढ

केंद्रीय कर्मचा-यांच्या महागाईत भत्त्यात वाढ

एकमत ऑनलाईन

नवी दिल्ली : केंद्रीय कर्मचा-यांसाठी केंद्र सरकारने मोठा निर्णय घेतला आहे. केंद्रीय कर्मचा-यांच्या महागाई भत्त्यात वाढ होणार आहे. ही वाढ एक जुलैपासून लागू होणार असल्याची माहिती आहे. केंद्र सरकार महागाई भत्त्यात ५ टक्क्यांची वाढ करणार आहे.

सरकारकडून महागाई भत्त्यात ५ टक्क्यांची वाढ करण्यात येणार आहे. पाच टक्क्यांची वाढ झाल्यास पगारात जवळपास ३४००० रुपयापर्यंत वाढ होण्याची शक्यता आहे. महागाई भत्त्यात होणारी वाढ ही ऑल इंडिया कन्झ्यूमर प्राईजच्या आकडेवारीने होते. केंद्रीय कर्मचा-यांना किती महागाईचा भत्ता दिला जावा याचा निर्णय घेतला जातो.

मार्च २०२२ पासून महागाईत वाढ होत असल्याचे दिसून येत आहे. त्यामुळे केंद्रीय कर्मचा-यांना पाच टक्के महागाई भत्ता वाढवून मिळण्याची शक्यता आहे. केंद्र सरकारने महागाई भत्त्यात ५ टक्क्यांची वाढ केल्यास केंद्रीय कर्मचा-यांचा महागाई भत्ता ३९ टक्के इतका होणार. केंद्र सरकाकडून दरवर्षी दोन वेळेस महागाई भत्त्यात वाढ केली जाते. साधारणपणे जानेवारी आणि जुलै महिन्यात महागाई भत्त्यात वाढ करण्यात येते.

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या