37.6 C
Latur
Monday, April 19, 2021
Homeराष्ट्रीयपीएफवरील व्याजदर जैसे थे; चालू वर्षातही ८.५ टक्के व्याजदर कायम

पीएफवरील व्याजदर जैसे थे; चालू वर्षातही ८.५ टक्के व्याजदर कायम

एकमत ऑनलाईन

नवी दिल्ली : कमर्चारी भविष्य निर्वाह निधीवर २०२०-२१ या चालू आर्थिक वर्षात ८.५ टक्के व्याजदर कायम ठेवण्याचा निर्णय ईपीएफओ संघटनेच्या विश्वस्तांनी आज घेतला. कोरोना संकटात केंद्र सरकारच्या उत्पन्नात घट झाली होती. तसेच या काळात कर्मचा-यांनी पीएफ फंडातून मोठी रक्कम काढली होती. त्यामुळे पीएफवरील व्याजदराला कात्री लागण्याची शक्यता होती. मात्र, गेल्या वर्षीप्रमाणेच ८.५ टक्के कायम ठेवला असून त्यामुळे जवळपास ६ कोटी पीएफ सभासदांना दिलासा मिळाला आहे.

कमर्चारी भविष्य निर्वाह निधी संघटनेच्या विश्वस्त मंडळाची आज श्रीनगर येथे बैठक पार पडली. यात चालू आर्थिक वर्षासाठी (२०२०-२१) ८.५ टक्के व्याजदर देण्याचे ठरविण्यात आले. दरम्यान ८.५ टक्के व्याजदर हा २०१२-१३ नंतरचा सर्वात कमी व्याजदर आहे. कोरोना संकट काळात गेल्या वर्षभरात जवळपास २ कोटी पीएफ सभासदांनी पीएफ फंडातून ३१ डिसेंबर २०२० पर्यंत ७३००० कोटी काढले होते. त्यात मार्चअखेर आणखी वाढ होण्याची शक्यता आहे. दरम्यान, आर्थिक वर्ष २०१९ मध्येदेखील १ कोटी ६३ लाख सभासदांनी पीएफमधून ८१२०० कोटी काढले होते. सलग २ वर्षे पीएफमधून मोठी रक्कम काढल्याने पीएफ फंडातील शिल्लक कमी झाली आहे.

कोरोनाच्या पार्श्वभूमीवर ईपीएफओच्या उपाययोजना
केंद्र सरकारने कोव्हिड-१९ संसर्गाशी मुकाबला करताना पैशांची चणचण भासू नये, यासाठी अनेक उपाय केले होते. त्यापैकी भविष्यनिर्वाह निधी योगदान ३ महिन्यांसाठी १२ टक्क्यांवरून १० टक्क्यांवर आणून कर्मचा-यांच्या हातात अधिक वेतन यावे, अशी सोय केली होती.

२ टप्प्यांत व्याजदर जमा
आर्थिक चणचण असल्याने सरकारने २०१९-२० या वर्षासाठीचा व्याज २ टप्प्यांत सभासदांच्या खात्यात जमा केले होते. २०१९-२० या वर्षासाठी ईपीएफओ सदस्यांना ८.५० टक्के व्याज देण्यात आले होते. त्यातील ८.१५ टक्के तूर्त आणि नंतर उर्वरित ०.३५ टक्के व्याजाची रक्कम अदा करण्यात आली होती.

देशात लस मिळेना, विदेशात विक्री कशी?

ताज्या बातम्या

आणखीन बातम्या

1,477FansLike
169FollowersFollow
SubscribersSubscribe

लोकप्रिय बातम्या