27 C
Latur
Tuesday, July 5, 2022
Homeराष्ट्रीयब्रिटननंतर अमेरिकेत आढळला मंकीपॉक्सचा रुग्ण

ब्रिटननंतर अमेरिकेत आढळला मंकीपॉक्सचा रुग्ण

एकमत ऑनलाईन

नवी दिल्ली : ब्रिटननंतर आता अमेरिकेतही ‘मंकीपॉक्स’ विषाणूचा संसर्ग पसरतो आहे. नुकतेच कॅनडातून परतलेल्या एका व्यक्तीला मंकीपॉक्स विषाणूची लागण झाल्याचे समोर आले आहे. अमेरिकेच्या मॅसाच्युसेट्स सार्वजनिक आरोग्य विभागाने याबाबत माहिती दिली असून यूएस सेंटर्स फॉर डिसीज कंट्रोल अँड प्रिव्हेन्शन येथे नमुने तपासण्यात आले आहेत.

सार्वजनिक आरोग्य विभाग सीडीसी, संबंधित स्थानिक आरोग्य मंडळे संक्रमित लोकांसाठी आरोग्य सेवा पुरवणा-या स्थानिक मंडळांसोबत काम करत आहे. संसर्ग झालेल्यांच्या संपर्कात आलेल्या लोकांची ओळख पटवणे हा यामागचा उद्देश आहे. प्रसिद्धीनुसार, समाजातील इतर लोकांना संसर्गापासून फारसा धोका नाही. बाधित व्यक्तीला रुग्णालयात दाखल करण्यात आले असून त्याची प्रकृती चांगली आहे.
विशेष म्हणजे, २०२२ पूर्वी युनायटेड स्टेट्समध्ये मंकीपॉक्सचा एकही रुग्ण आढळून आला नाही. तर टेक्सास आणि मेरीलँडमध्ये २०२१ मध्ये नायजेरियाला जाणा-या लोकांमध्ये एक रुग्ण आढळून आला होता. त्याचवेळी, ब्रिटनने या वर्षी मे महिन्याच्या सुरुवातीला मंकीपॉक्सचे ९ रुग्ण सापडल्याचे सांगितले. यापैकी एक संक्रमित नुकताच नायजेरियाला गेला होता. इतर संक्रमितांपैकी कोणीही अलीकडच्या काळात प्रवास केला नाही.

काय आहेत लक्षणं?
मंकीपॉक्स हा एक दुर्मिळ आणि गंभीर विषाणूजन्य आजार आहे. या आजारात सुरुवातीला हलका ताप येतो. त्यानंतर लिम्फ नोड्सवर सूज येते. त्यानंतर अशीच सूज चेह-यावर आणि शरीरावर येते. शरीरावर मोठमोठे फोड येतात. संसर्ग झाल्यानंतर दोन ते तीन आठवडे ही पुरळ शरीरावर असते. हा संसर्ग लोकांमध्ये सहज पसरत नाही. परंतु, शरीरातील द्रवपदार्थ, संक्रमित व्यक्तींनी वापरलेल्या वस्तू, समोरासमोर दीर्घकाळ संपर्क आणि श्वसनामुळे संसर्ग पसरू शकतो.

Stay Connected

1,567FansLike
187FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या