30.4 C
Latur
Monday, February 6, 2023
Homeराष्ट्रीयरामसेतू पुन्हा वादात

रामसेतू पुन्हा वादात

एकमत ऑनलाईन

नवी दिल्ली : रामसेतूचा कोणताही भक्कम पुरावा नाही, सॅटलाईट इमेजमध्ये बेट-चुनखडी, पण ते पुलाचे अवशेष असल्याचा दावा करू शकत नाही. पौराणिक कथेनुसार भारत आणि श्रीलंका यांच्यात समुद्रात बांधलेल्या रामसेतूचा कोणताही ठोस पुरावा नसल्याचे सरकारने संसदेत म्हटले आहे. भाजप खासदार कार्तिकेय शर्मा यांनी राम सेतूवर विचारलेल्या प्रश्नाला मंत्री जितेंद्र सिंह यांनी उत्तर दिले. ज्या ठिकाणी पौराणिक रामसेतू असल्याचे मानले जाते. त्या ठिकाणची सॅटलाईट छायाचित्रे घेण्यात आली आहेत. बेट आणि चुनखडी उथळ पाण्यात दिसतात. परंतु हे रामसेतूचे अवशेष असल्याचा दावा करू शकत नाही असे ते म्हणाले.

जितेंद्र सिंह यांनी राज्यसभेत सांगितले की, ‘तंत्रज्ञानाच्या माध्यमातून काही प्रमाणात आम्ही पुलाचे तुकडे, बेट आणि एक प्रकारचा चुनखडीचा ढिगारा ओळखण्यात यशस्वी झालो आहोत. तो पुलाचा भाग आहे की त्याचे अवशेष हे आपण सांगू शकत नाही. शोधात आपल्याला काही मर्यादा आहेत. कारण त्याचा इतिहास १८ हजार वर्षे जुना आहे आणि जर आपण इतिहासात गेलो. तर हा पूल सुमारे ५६ किलोमीटर लांब होता.

रामसेतू ४८ किमी लांब
भारताच्या आग्नेयेकडील रामेश्वरम आणि श्रीलंकेच्या ईशान्येकडील मन्नार बेटाच्या दरम्यान उथळ चुनखडीच्या खडकांची साखळी आहे. तो भारतात रामसेतू आणि जगभरात अ‍ॅडम्स ब्रिज (ऍडम्स ब्रिज) म्हणून ओळखला जातो. या पुलाची लांबी सुमारे ३० मैल (४८ किमी) आहे. हा पूल मन्नारचे आखात आणि पाल्क सामुद्रधुनी एकमेकांपासून वेगळे करतो. या भागात समुद्र खूप उथळ आहे. त्यामुळे याठिकाणी मोठ्या बोटी व जहाजे चालविण्यात अडचणी येतात.

१५ शतकात पायी चालता येत होते
१५ व्या शतकापर्यंत या वास्तूवरून रामेश्वरम ते मन्नार बेटापर्यंत चालत जाऊ शकत होते, परंतु वादळांमुळे येथील समुद्र खोल गेला, त्यानंतर हा पूल समुद्रात बुडाला. १९९३ मध्ये, नासाने या रामसेतूची उपग्रह छायाचित्रे प्रसिद्ध केली. ज्यात त्याचे वर्णन मानवनिर्मित पूल असे केले गेले.

काय आहे वाद?
२००५ मध्ये, मनमोहन सरकारने सेतुसमुद्रम नावाच्या एका मोठ्या शिपिंग कालव्याच्या प्रकल्पाची घोषणा केली. यामध्ये रामसेतूच्या काही भागातून वाळू काढून खोलीकरण केल्याचीही चर्चा होती. जेणेकरून जहाज सहज पाण्यात उतरू शकेल. या प्रकल्पामध्ये रामेश्वरमला देशातील सर्वात मोठे शिपिंग पोर्ट बनवण्याचाही समावेश आहे. यामुळे अरबी समुद्र आणि बंगालच्या उपसागरामध्ये थेट सागरी मार्ग खुला झाला असता. या व्यवसायात ५० हजार कोटींचा नफा होईल असा अंदाज होता.

प्रकल्पाला विरोध
या पुलाखालच्या टेक्टोनिक प्लेट्सच्या कमकुवतपणामुळे कोणतीही छेडछाड केल्यास मोठी नैसर्गिक आपत्ती ओढवू शकते असे शास्त्रज्ञांचे मत आहे. येथे ३६,००० प्रकारचे दुर्मिळ समुद्री जीव आणि वनस्पती असल्याचे पर्यावरण तज्ज्ञांचे म्हणणे आहे. हा पूल उद्ध्वस्त केल्याने दुर्मिळ प्राण्यांची ही परिसंस्था संपुष्टात येईल आणि पावसाळ्याच्या चक्रावर परिणाम होईल. भाजप आणि हिंदू संघटनांनी रामसेतूवर खाणकामाचा आरोप केला आणि श्रद्धा दुखवली जाईल, म्हणून विरोध केला. रामसेतूला राष्ट्रीय स्मारक म्हणून घोषित करण्याची मागणी केली.

सरकार प्रतिज्ञापत्र मागे घेतले
२००७ मध्ये सरकारने सर्वोच्च न्यायालयात सांगितले की, हा पूल मानवाने बांधल्याचे कोणतेही वैज्ञानिक पुरावे नाहीत. या मुद्द्यावरून निदर्शने आणि धार्मिक भावना भडकल्यावर सरकारने आपले प्रतिज्ञापत्र मागे घेतले. रामसेतूविषयी तीन सर्वात चर्चित दावे आहेत. हिंदूंचे असे मानणे आहे की हा पूल भगवान श्रीरामांनी उभारला. मुस्लिमांचे म्हणणे आहे की तो आदमचा पूल आहे. वैज्ञनिक समुदायाचे म्हणणे आहे की तो टेक्टॉनिक मूव्हमेंटमुळे येथील समुद्र उथळ झाला आहे

Stay Connected

1,567FansLike
186FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या