25.5 C
Latur
Saturday, September 18, 2021
Homeउस्मानाबादतुळजापुरात साकारणार ३०० खाटांचे कोविड केअर सेंटर -आ. राणाजगजीतसिंह पाटील

तुळजापुरात साकारणार ३०० खाटांचे कोविड केअर सेंटर -आ. राणाजगजीतसिंह पाटील

एकमत ऑनलाईन

उस्मानाबाद :उस्मानाबाद जिल्ह्यात देखील कोरोनाचा प्रादुर्भाव मोठ्या प्रमाणत वाढत चालला आहे. अशातच तुळजापूर शहरव परिसरात कोविड-१९ चा वाढता प्रादुर्भाव पाहता नगरपरिषद तुळजापूर यांच्या वतीने ३०० खाटांचे कोविड केयर सेंटर उभारण्यात येत असून ऑक्सिजनची सुविधा असलेल्या १०० खाटा असणार आहेत. या सेंटर ला डॉक्टर्स तेरणा ट्रस्ट मार्फत उपलब्ध करण्यात येणार असून जिल्ह्यातील वाढता प्रादुर्भाव पाहता भविष्यकाळातील गरज ओळखून उस्मानाबाद येथील तेरणा कोविड केअर सेंटरची क्षमता १५० खाटांनी वाढवून ३५० करण्यात येणार असल्याची माहिती आमदार राणाजगजीतसिंह पाटील यांनी दिली आहे.

भविष्यकालीन गरज ओळखून या सेंटरची क्षमता १५० खाटांनी वाढवण्यात येणार

उस्मानाबाद येथे जिल्हा प्रशासनाच्या सहकार्याने तेरणा ट्रस्ट मार्फत २०० खाटांचे कोविड केयर सेंटर चालू करण्यात आले आहे.आपत्कालीन परिस्थिती ओढवली तर त्यासाठी १२ ऑक्सिजन खाटा उपलब्ध करण्यात आल्या आहेत. या सेंटर ला तेरणा ट्रस्टचे ५ डॉक्टर आणि ६ जणांचा नर्सिंग स्टाफ पुर्णवेळ कार्यरत राहणार आहेत आणि गरजेनुसार त्यात वाढ करण्यात येईल. मात्र जिल्ह्यातील कोविड-१९ चा वाढता प्रादुर्भाव पाहता भविष्यकालीन गरज ओळखून या सेंटरची क्षमता १५० खाटांनी वाढवण्यात येणार असून त्यानंतर या ठिकाणी एकूण ३५० खाटा उपलब्ध असतील अशी माहिती आमदार राणाजगजीतसिंह पाटील यांनी आज या सेंटरची पाहणी करताना दिली.

एक कृतिकार्यक्रम आखावा व त्याची अंमलबजावणी तातडीने सुरू करावी अशा सूचना

१५ सप्टेंबर रोजी पाटील यांनी शहरातील परिस्थितीचा आढावा घेतला.यावेळी त्यांनी शहरातील परिस्थिती नियंत्रणात आणण्यासाठी प्रत्येक नगरसेवकानी किंवा प्रभागातील जेष्ठ नेत्यांनी १५० कुटुंबाची जबाबदारी घेण्याची सूचना केली असून त्यांच्या नेतृत्वाखाली ६-७ जणांची टीम आहे.यात सर्व टीमच्या सदस्यांनी आपल्या कार्यक्षेत्रातील १५० कुटुंबाची वारंवार घरोघरी जाऊन रुग्णांचा सर्व्हे करून त्यांची तपासणी करने,जर एखादा व्यक्ती संशयीत अथवा आजारी असेल तर त्यावर तातडीने उपचार करून त्याचे विलगिकरण देखील करावे व सर्वांनी मिळून याबाबत एक कृतिकार्यक्रम आखावा व त्याची अंमलबजावणी तातडीने सुरू करावी अशा सूचना आमदार पाटील यांनी दिल्या आहेत.त्या अनुषंगाने कार्यवाही चालू केली असल्याचे नगराध्यक्ष सचिन रोचकरी यांनी दिली आहे.

तेरणा ट्रस्ट मार्फत यासाठी आवश्यक असणारे डॉक्टर्स देण्याचा निर्णय

आमदार राणा जगजीतसिंह पाटील यांनी काल तुळजापूरचा आढावा घेण्यासठी आले होते. त्यावेळी आमदार पाटील यांनी माहिती दिली कि, सदर इमारत ही प्राधिकरणाच्या मालकीची असून त्यांनी भक्त निवासासाठी तुळजापूर नगरपरिषदे कडे हस्तांतरीत केली गेली आहे. सदर जागेवर सुपर स्पेशालिटी दवाखाना उघडण्याबाबत नियोजन चालू आहे. मात्र कोविड-१९ च्या पार्श्वभूमीवर सदर इमारत तात्पुरती कोविड केयर सेंटर साठी वापरण्याचा निर्णय नगर परिषदेने घेतला असून यासाठी जिल्हा प्रशासनाचे सहकार्य लाभले आहे.जिल्ह्यात डॉक्टर्सच्या जागा मोठ्या प्रमाणात रिक्त असल्याने तेरणा ट्रस्ट मार्फत यासाठी आवश्यक असणारे डॉक्टर्स देण्याचा निर्णय आमदार पाटील यांनी घेतला आहे.

12500 पदांसाठी होणार पोलीस भरती; महाराष्ट्र सरकारने घेतला निर्णय

ताज्या बातम्या

आणखीन बातम्या

1,527FansLike
196FollowersFollow
SubscribersSubscribe

लोकप्रिय बातम्या