25 C
Latur
Wednesday, August 10, 2022
Homeपरभणीपारध वस्तीतील लहान बालकांच्या अंगावर खाज

पारध वस्तीतील लहान बालकांच्या अंगावर खाज

एकमत ऑनलाईन

गंगाखेड : पाच ते दहा-बारा वर्षातील बालकांना अंग खाजण्याचा त्रास होत असल्याची माहिती मिळताच गंगाखेड येथील आरोग्य विभागाच्या टीमने पारध वस्तीवर घटनास्थळी जाऊन बालकांची तपासणी करत शुक्रवारी उपचार केले.
मरडसगाव पासून पालम कडे जाणाऱ्या रस्त्यावर पारधी समाजाची वस्ती आहे. या वस्तीवरील पाच ते दहा वर्षाखालील बालकांना अचानक अंग खाजण्याचा त्रास झाला.

ही माहिती या वस्तीवरील राहणारे महादू सुरवसे यांनी आम आदमी पार्टीचे परभणी जिल्हा उपाध्यक्ष सखाराम बोबडे पडेगावकर यांना कळवत आरोग्य विभागाला पाठवून द्यावे अशी विनंती केली. यावरून सखाराम बोबडे पडेगावकर ,नारायण घनवटे, जयदेव मिसे आदींनी तालुका आरोग्य अधिकारी डॉ. बिराजदार यांच्याशी संपर्क साधून ही माहिती कळवली.

यावरून डॉ. बिराजदार यांनी प्राथमिक आरोग्य केंद्र महातपुरी, प्राथमिक आरोग्य केंद्र विठ्ठलवाडी आधी ठिकाणच्या आरोग्य कर्मचाऱ्यांना घटनास्थळी पाठवून त्या बालकांची तपासणी करत औषध गोळ्या दिल्या. वस्तीवरील ग्रामस्थांनी आरोग्य विभागाचे आभार मानले.

Stay Connected

1,567FansLike
188FollowersFollow
SubscribersSubscribe

ताज्या बातम्या

आणखीन बातम्या

लोकप्रिय बातम्या