लखनौ : तब्बल ६९००० शिक्षक भरती उमेदवारांनी शिक्षण मंत्री संदीप सिंह यांच्या निवासस्थानी निदर्शने केली. निदर्शक मंत्र्यांच्या निवासस्थानापासून सुमारे १०० मीटर आधी जमा झाले. जमिनीवर किड्या-मुंग्यांसारखे रांगत ते मंत्र्यांच्या निवासस्थानापर्यंत पोहोचले.
यावेळी आंदोलक म्हणाले आम्ही सरकारच्या दृष्टीने किडे-मुंग्या झालो आहोत. आमचे कुठेही कोणी ऐकत नाही. त्यामुळे आज आम्ही किड्यांसारखे रांगत मंत्र्यांच्या निवासस्थानी पोहोचलो. भीषण उष्णतेमुळे अनेक उमेदवार बेशुद्ध पडले. पोलिसांनी त्यांना पाणी पाजले. यावेळी निदर्शकांनी सरकारविरोधात जोरदार घोषणाबाजी केली.
आम्ही घरातून हरलो आहोत आणि आता सरकारकडूनही कोणतीही अपेक्षा राहिलेली नाही. ही आमची शेवटची विनंती आहे. जर सुनावणी झाली नाही, तर आम्ही सर्व उमेदवार सामूहिकरित्या आत्मदहन करू. थोडीशी शेती आहे, त्याच शेतीतून घराचा खर्च चालतो. बनारस येथून आलेल्या कैलाश नाथ मौर्या यांनी सांगितले आम्हाला उत्तर प्रदेशचे मुख्यमंत्री आणि शिक्षणमंत्र्यांना फक्त एवढेच सांगायचे आहे की, आम्ही आता आमचा धीर गमावला आहे. आमच्यात आता अजिबात सहनशक्ती उरलेली नाही. कैलाश नाथ मौर्या म्हणाले आम्ही आमच्या मुलांना चांगले शिक्षण देऊ शकत नाही आहोत. सिस्टीममुळे आम्ही बेरोजगार फिरत आहोत. उच्च न्यायालयात जिंकल्यानंतरही आम्हाला नोकरी मिळाली नाही. आमचे म्हणणे ऐकायला कोणी तयार नाही.
प्रत्येकजण आमच्याबद्दल उलटसुलट बोलतो. ओम प्रकाश राजभर आमचे मंत्री आहेत, ज्यांनी कधीही न्यायाची गोष्ट केली नाही. राजभर म्हणतात की हे ६९००० शिक्षक भरतीवाले चप्पल खाण्याच्या लायकीचे आहेत, हे किती लाजिरवाणे विधान आहे. जर नोकरी मिळाली नाही, तर आम्ही लोक वर्गणी गोळा करून ओमप्रकाश राजभर यांच्या विरोधात प्रचार करू आणि त्यांना निवडणूक हरवू.
